Festıvalde Astana qalasynyń kreatıvti ındýstrııalardy damytý ortalyǵynyń mamandary qala turǵyndaryn eko qozǵalysqa shaqyryp, shıkizatty qaıta óńdeýdiń mańyzyn túsindirýge tyrysty. Muny biz EKSPO aýmaǵynda sáni men saltanaty kelisken kórmeden anyq ańǵardyq. Shatyrlardy aralap, sol mańda tizilgen ósimdikterdi tamashaladyq. Osy arada merekelik is-sharaǵa óskinderdiń túr-túrin alyp kelgen Nadejda Jerebsovamen júzdesip, áńgimege tartqan edik.
– Selınograd aýdanyndaǵy Aqqaıyń aýylynda shaǵyn kásibimiz bar. Kóshet daıyndaımyz. Sonda túsingenim, turǵyndardyń kóbi baý-baqsha ósirý qıyn sharýa dep oılaıdy. Shyn mánisinde, óskinge qandaı tyńaıtysh keregin bilip, túsinip, kútip qaraılassań, jemisin kóresiń. Qalaýyn tapsań, kóptegen ósimdikti jersindirýge bolady. Biz álemde tabıǵaty qolaısyz, topyraǵy qunarsyz bolsa da, jasyl jelegi jaıqalǵan elderdiń baryn bilemiz. Jerimizdi gúldendirip, baqqa aınaldyrý bizdiń qoldan da keledi. Sol úshin de men baqsha ósirýge qyzyǵatyndarǵa qýana-qýana bilgenimdi aıtamyn. Bilmegenimdi úırenýge talpynyp júrmin. Bilseńizder, keıbir jazyqta qaýlap shyǵatyn ósimdikterdiń bizde ósirýge bolatyn túrleri de bar. Sony birte-birte qalaǵa ákelýge múmkindik te mol. Búgin men baıqaýǵa qatysýǵa emes, elimizde alǵash ret uıymdastyrylyp otyrǵan gúlder festıvalin tamashalaýǵa keldim, – deıdi N.Jerebsova.
Festıvaldiń prodıýseri Maıra Izmaılovanyń aıtýynsha, is-sharaǵa Astana qalasyn bylaı qoıǵanda, Almaty, Qaraǵandy oblysynan ekolog, florıst, ýrbanıst, eko-kəsipker, óner maıtalmandary kelgen. Olardyń arasynda sýretshi Ləıla Mahat pen Ləıla Ahmet Osman, zýmba-nusqaýshy Raýshan Sarbalınova, energo-praktık Ferdýsa (Qyrǵyzstan) bar.
– Festıvaldiń ereksheligine az-kem toqtalaıyn. Munda eldiń tabıǵı aımaqtarynyń landshaftynda bezendirilgen klımattyq kıiz úıler tizildi. Gúlzarlardy bezendirý boıynsha florıster baıqaýy ótip jatyr. Arnaıy fotoaımaqtardyń birinde ILOVE baıqaýy uıymdastyryldy. Qala turǵyndary men qonaqtary úshin bilim berý jəne eko-sheberlik sabaqtary ótedi. Qaldyqtardy qaıta óńdeý jəne plastıkten óner týyndylary men buıymdaryn jasaýdan da baıqaý ótip jatyr. Ýrbanıstermen qala turǵyndary birigip, Astananyń jasyl kartasyn jasaıdy. Iаǵnı turyndar qalada saıabaq ashýǵa taptyrmaıtyn oryndardy belgileıdi. Sonymen qatar astanalyqtar elordanyń sımvol-gúlin tańdaıdy. Jalpy, baıqaýlardyń jeńimpazdary aqshalaı syılyqtarmen marapattalady, – deıdi Maıra Izmaılova.
Festıvalde «Gúl shahary – Astana» baıqaýynyń alǵashqy kezeńinen ótip, iriktelgen 15 jeńimpaz anyqtaldy. Osy kúni elordalyqtar qorshaǵan ortanyń sulýlyǵyn súretpen keskindegen qylqalam sheberleriniń týyndylaryna tánti boldy. Balalar jaǵy sheberlik sabaqtary men teatrlandyrylǵan ınteraktıvti baǵdarlamany tamashalady. Qummen sýret salyp, gúldi orıgamı jəne saz balshyqpen jumys jasaý alańdaryn qyzyqtap, shat-shadyman boldy.
