Oblystyq tótenshe jaǵdaılar departamentiniń baspasóz qyzmetiniń máli etkendeı, «Aqjaıyq» tabıǵı rezervatynda bolǵan iri qamys órtin joıý jumystary jalǵasyp jatyr. Qazir órt sóndirýshiler janyp jatqan qamystyń 80 paıyzyn sóndirdi. Oblys ákimi Serik Shápkenov tikushaqpen qoryq aýmaǵyn aınalyp ótip, órtten zardap shekken aýmaqtardy aralady.
«Jalyn 830 gektarǵa tarady. Jer bederi batpaqty bolǵandyqtan ony sóndirý qıynǵa soǵyp tur. Áýeden vızýaldy barlaýdyń qorytyndysy boıynsha ashyq órtter tabylǵan joq. Keı jerlerde qamys janyp tur. О́rt sóndirý jumystary qarqyn alyp jatyr», delingen habarlamada.
9 shilde kúni saǵat 15:20-daǵy jaǵdaı boıynsha «Qazavıaspa» tikushaǵy órt aýmaǵyna 36 ret sý quıǵan. О́rtti sóndirýge barlyǵy 204 tonna sý jumsaldy. Jalyndy sóndirýge 97 adam men 15 tehnıka jumyldyryldy.
Sondaı-aq órtpen kúresý úshin respýblıkalyq bıýdjetten «Aqjaıyq» tabıǵı jańǵyryq» respýblıkalyq memlekettik kásipornyna arnaıy tehnıka satyp alýǵa 285 mıllıon teńge bólindi.
