О́z zamanynda órkenıettiń ordasy sanalyp, Batys pen Shyǵysty baılanystyrǵan, qazaqtyń boıtumaryna aınalǵan Otyrar kórmesine tarıhtyń, halyqtyń ósý jolymen ushtasyp, jalǵasyp kele jatqan zertteýler nátıjesinde tabylǵan jádigerler qoıylǵan. Tarıhı-taǵylymdy kórmede Otyrar dalasynda Uly Jibek joly arqyly saýda qatynastarynyń damýy jáne Qarahan dáýirinen bastap, Qazaq handyǵyna deıingi qalalyq mádenıettiń órkendeýi men damýynan habar beretin 154 arheologııalyq jádiger kópshilik nazaryna usynyldy.
Kórermenge ótken tarıhymyzdan keń kólemde málimet berý úshin murajaı qory jınaǵyndaǵy arheologııalyq jádigerler – keramıkalyq buıymdar, nýmızmatıkalyq materıaldar, shynydan jasalǵan zattar, basqa da zattaı dáıektemeler, eskertkishterge qatysty aerofotolar men kartalar usynyldy.
Is-shara barysynda Ulttyq mýzeı dırektorynyń mindetin atqarýshy Aqmaral Ibraeva men «Otyrar» memlekettik arheologııalyq mýzeı-qoryǵynyń dırektory Jangeldi Mahashov halqymyzdyń ótken tarıhynan syr shertip, tolymdy ári tyń málimetter usynyp otyrǵan kórme jumysyna sáttilik tiledi. Ortaǵasyrlyq kóne qaladan tabylǵan jádigerler tarıhy Otyrar, Oqsyz, Quıryqtóbe – ortaǵasyrlyq qalasymen de úndesip jatqanyn aıtyp, osyndaı kórmeler jergilikti turǵyndar kókiregine rýhanı nár quıatynyn jetkizdi. Oılylardyń izi qalǵan Otyrarda álemdik órkenıettiń uly oıshyldarynyń biri – Ábý Nasyr ál-Farabı dúnıege kelse, túrki halyqtarynyń rýhanı kóshbasshylarynyń biri Qoja Ahmet Iаsaýı Túrkistan qalasynda ómir súrip, ilim taratqandyǵy aıtyldy. Álemdik órkenıette ózindik úlesi zor, tarıhy tereńde jatqan Otyrar búginde – týrızm ortalyǵy dep túıindep, Ulttyq mýzeı ekskýrsovodtary kelýshilerdi kórme barysymen tanystyrdy. Aıta keteıik, kórme 30 shildege deıin jalǵasady.
