Polısııa qyzmetkerleri 61 jastaǵy Reseı azamatynyń turǵylyqty jeri boıynsha tintý sharalaryn júrgizdi.
Tekserý barysynda úı baqshasynda turǵan kólik dóńgeleginen 4 kannabıs butasy tabyldy. Sondaı-aq qyzmetkerler fıtolaboratorııaǵa aınaldyrylǵan monshany anyqtady. Onda 2 kannabıs butasy tabyldy. Sondaı-aq úıdiń ár jerinen keptirilgen marıhýana esirtki zattary tabyldy.
Arnaıy operasııa barysynda jalpy salmaǵy 2400 gramm kannabıs ósimdiginiń 6 butasy, jalpy salmaǵy 113 gramm keptirilgen marıhýana tárkilendi.
«Ustalǵan adam óz kinásin moıyndady. Qazirgi ýaqytta atalǵan derek boıynsha Qazaqstan Respýblıkasy Qylmystyq Kodeksiniń 300-babynyń 1-bóligimen sotqa deıingi tergep-tekserý bastaldy. Osy bap eki myń aılyq eseptik kórsetkishke deıingi mólsherde aıyppul túrindegi jazany kózdeıdi ne sol mólsherde túzeý jumystarymen ne alty júz saǵatqa deıingi merzimge qoǵamdyq jumystarǵa tartýmen ne eki jylǵa deıingi merzimge bas bostandyǵyn shekteýmen ne sol merzimge bas bostandyǵynan aıyrýmen jazalanady», dedi oblystyq PD EQQIB bastyǵy Álim Bajyqbaev.
