Aǵyl-tegil habarlama

Tehnologııa salasyndaǵy árbir jylt etken jańalyqty eleń qyl­maı ótý múmkin emes. О́ıtkeni onyń mańyzy – kúndelikti turmysta káde­ge jaraýynda. Qazir bolashaqtyń ǵylymı boljamyna boılaý múmkin emes bolyp barady. Adam qııaly jetkenniń bárine qol jetkize alatynyn kórip kelemiz. Tipti fýtýrolog ǵalymdaryń paıymynsha, alda adamdardyń ómirinde qupııa qalmaıtyn tárizdi. Buǵan qosa alda ne bolatyny da kúni buryn eskerilip otyrmaq. Bizdiń elde de mundaı jetistikterdiń alǵashqy legi tóbe kórsete bastady. Máselen, jýyrda «Ulttyq aqparattyq tehnologııalar» AQ bir-eki jańalyqtyń she­tin shyǵardy. Olardyń sózine sen­sek, alda qujattardyń jaramdy merziminiń aıaqtalýy týraly, jaqyndaryńyzdyń týǵan kúnderi taǵy basqa mańyzdy kúnder teh­no­logııanyń kómegimen aldyn ala, ózdiginen eskerilip otyrady.

Olardyń aıtýynsha, ártúrli qut­tyqtaý hattar men eskertýler eGov Mobile qosymshasyndaǵy push habarlamalary arqyly jiberile­di. Tipti, úılený toıy týraly aldyn ala habardar etiletin kórinedi (habar­lama mereıtoıǵa deıin 3 kún buryn jibe­riledi). Sondaı-aq ha­bar­lamalardyń mátinnen basqa, tıisti qosymshany nemese servısti ashyp, qujatqa qol qoıa alatyn tetikter paıda boldy.

«Ulttyq aqparattyq tehnolo­gııa­lar» AQ tóraǵasy Rostıslav Konıashkınniń aıtýynsha, azamattar belgili bir memlekettik qyzmetterdi nemese proaktıvti qyzmetter týraly habarlamalardy alý boıynsha usynystar alady.

– Qazir Invisible Government tu­jyrymdamasy aıasynda memleket azamattarǵa ártúrli ómirlik jaǵ­daı­larda ózdiginen kómektesedi, qyz­metti óz betinshe usynady, onyń qa­jettilikterin qamtamasyz etedi. Halqymyzdyń ómirindegi mańyzdy kúnderin eske túsirý úshin biz eGov Mobile qosymshasynda push habarlamalaryn iske qostyq. Onda kóptegen fýnksııa bar, – deıdi ol.

Sonymen qatar eGov Mobile qo­sym­shasy jaqyn arada habar­lan­dyrýlardyń jańa sanatta­ryn qospaq jáne ádettegi habarlama­lardan ózge usynylatyn qyzmetke ótý úshin jańa batyrmasy bar proaktıvti qyzmetter qoljetimdi bolmaq. Mundaı habarlandyrýlardy Push mobıldi qosymshasynyń «Habarlandyrýlar» bóliminen kó­rýge bolady. Eger qosymsha orna­tylmaǵan bolsa, 1414 nómirine habarlasý arqyly qosymshany júktep alýǵa múmkindik bar. Mobıldi qosymshany iOS júıesin paıdalanýshylary App Store platformasynan, sondaı-aq Android júıesin paıdalanýshylary Play Market jáne App Gallery-den júkteýge bolady.