AQPARATTYQ HABARLAMA

2010 jylǵy 3 maýsymda Aqordada Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy Marat Tájınniń tóraǵalyǵymen Qazaqstan Respýblıkasy Qaýipsizdik Keńesiniń janyndaǵy Sarapshylar keńesiniń otyrysy boldy. Kún tártibi Qazaqstan Respýb­lı­kasynyń aqparattyq qaýipsizdigi týraly, kólik qaýipsizdiginiń jaı-kúıi jáne ony qamtamasyz etý jónindegi sharalar týraly jáne Qa­zaqstannyń tranzıttik áleýe­ti­ne tónetin qaterler týraly má­selelerdi qarastyrýdy qamtydy. Sarapshylar aqparattyq qaýip­sizdik salasyndaǵy jahandyq úr­dis­terge baılanysty synaqtar men problemalardy atap aıtty. Olar­dyń pikirinshe, aqparattyq qaýip­siz­diktiń mańyzdy bir qyry aq­pa­rattyq resýrstardy nyǵaıtý jáne damytý, olardyń ishki mazmunyn kúsheıtý, sondaı-aq Qazaqstannyń kıbernetıkalyq qaýipsizdigin qamtamasyz etý bolyp tabylady. Pikirtalas barysynda sarapshylar memlekettiń otandyq medıa-ın­dýs­trııany, spýtnıktik, sıfrlyq tele jáne radıo habarlaryn taratýdy, Internet jelisiniń  qazaqstandyq segmentin damytýdy yntalandyrýdyń mańyzdylyǵyn aıryqsha atap kórsetti. Otyrysta kólik qaýipsizdigin qamtamasyz etýdegi keshendi kóz­qaras problemasyna erekshe kóńil bólindi. Qazaqstan qoǵamynyń turlaýly qyzmet etýiniń asa mańyzdy bir qyry eldiń kólik-kom­mýnıkasııalyq ınfraqury­ly­myn damytý bolyp tabylady. Kó­lik qaýipsizdigi osy zamanǵy geo­saıası jaǵdaılarda memlekettik múd­delerdi uzaq perspektıvada qam­tamasyz etý máselesi bolyp tabylady. Sarapshylyq baǵalaýlarǵa sáı­kes Qazaqstannyń zor ótkizý ry­nogy bar memlekettermen kórshi bolýy Shyǵysty Batyspen, Sol­tústikti Ońtústikpen jalǵasty­ra­tyn mańyzdy geoekonomıkalyq óńir retinde qazaqstandyq tranzıt áleýetin áldeqaıda arttyra túsedi. Ǵalymdar otandyq kólik ınfra­qurylymy men kólik-logıstıka júıesin jedel damytý men jań­ǵyrtýdyń, sondaı-aq Qazaqstan­nyń tranzıttik áleýetine tónetin qaterlerdi beıtaraptandyrý qa­jet­tigin atap kórsetti. Otyrysty qorytyndylaı kele Sarapshylar keńesiniń tóraǵasy M.M.Tájın eldiń aqparattyq jáne kólik qaýipsizdigin qamta­ma­syz etý problemasyna jan-jaqty jáne keshendi taldaý jasaý qa­jet­tigin, Qazaqstannyń tranzıt áleýe­tin tıimdi damytýdyń, son­daı-aq ǵylymı-sarapshylyq qaý­ym­dastyqtyń osy máseleler boı­ynsha naqty usynystar ázir­leýi­niń mańyzdylyǵyn atap kórsetti. QR Qaýipsizdik Keńesiniń janyndaǵy Sarapshylar keńesi ulttyq qaýipsizdikti qamtamasyz etý salasynda ǵylymı-ádiste­melik usynystar ázirleý maq­satymen ǵy­lymı, sarapshylyq zertteýler oryndaıtyn ǵylymı-konsýl­ta­tıvtik organ bolyp tabylady. Jetekshi ǵalymdar, taldama­shylar, ǵylymı-zertteý orta­lyq­tary men úkimettik emes uıym­dardyń ókilderi keńestiń músheleri bolyp tabylady. Sarapshylar keńesiniń tal­qy­laýy barysynda kún tártibiniń máseleleri boıynsha usynymdar berildi. Olar Qazaqstan Respýb­lıkasy Qaýipsizdik Keńesiniń jáne QR QK-niń vedomstvoaralyq komıssııalarynyń jumysynda paıdalanylatyn bolady. Qazaqstan Respýblıkasy Qaýipsizdik Keńesiniń hatshylyǵy.