Jalpy abattandyrylǵan aýmaq – 0,96 gektardy quraıdy. Jaǵalaýda qala turǵyndary úshin túrli demalys alańdary ornalastyrylǵan, onyń ishinde:
- amfıteatr;
- balalar jáne sport alańdary;
- velosıped, júgirý, serýendeý joly;
- basketbol, voleıbol, fýtbol alańy;
- órmeleý alańy;
- skeıtpark bar.
Aýdan boıynsha abattandyrý jumysy belsendi júrip jatyr. Qurylys maýsymy bastalǵaly Kóktóbe kóshesinde (Kóktal-1 eldi mekeni) jáne Fahd ben Abdýl Azız kóshesinde (Agroqalashyq eldi mekeni) qoǵamdyq keńistikter jaılastyryldy.
Sonymen qatar «Shapaǵat» SÚ jáne Jeltoqsan-Buqarbaı batyr-Beıbitshilik kóshelerinde jaıaý júrginshiler jolyn jóndeý jumysy júrip jatyr.
Buǵan deıin Astana qalasynyń ákimi Jeńis Qasymbek elordanyń oń jaǵalaýy qalaı kórkeıetinin aıtqan edi. Onyń aıtýynsha bıyl qalanyń oń jaǵalaýynda 130-ǵa jýyq aýla men qoǵamdyq keńistik abattandyrylady. Qazirdiń ózinde 50-ge jýyq orynda tıisti jumystar aıaqtalǵan.
