Sary qurlyq dodasynyń alǵashqy kúninde boz kilemde 15 jastaǵy grek-rım kúresiniń sheberleri beldesti. Bul synda Qazaqstan quramasynyń jas balýandary nátıjeli óner kórsetip, 3 altyn, 2 kúmis jáne 3 qola júldege ıe boldy. Osy nátıje arqyly otandastarymyz jalpykomandalyq esepte ekinshi orynnan kórindi.
Atap aıtar bolsaq, Amman bozkileminde Dıas Maratov (48 kg), Dosbol Shámil (57 kg) jáne Ábilmansur Ahalbek (68 kg) Azııa chempıondary atansa, Márlen Meıirbekuly (62 kg) men Aıanbek Ibraev (85 kg) kúmis júldege ıe boldy. Sultan Máýlithanov (38 kg), Suńqar Zarap (44 kg) jáne Damır Aqan (52 kg) qolaǵa qol jetkizdi.
