«Qalamyzda turǵyndardy, onyń ishinde túlekter men jastardy jumysqa ornalastyrýǵa arnalǵan birqatar baǵdarlamany júzege asyryp jatyrmyz. Máselen bıyl bıznes, ákimdik jáne bilim berý ınstıtýttarynyń yntymaqtastyǵynyń arqasynda 60 myń jumys ornyn qurýdy josparlap otyrmyz», dep jazdy ákim.
Qala basshysynyń jazýynsha, Mámbetov kóshesindegi Arbat aýmaǵynda jastarǵa arnalǵan bos jumys oryndarynyń jármeńkesi ótti. Bul – bıyl jastarǵa arnalǵan 16-shy jármeńke.
«Búgingi jármeńkege 70 jetekshi kompanııa men uıym qatysty. Olar: Qazposhta, QTJ, Astana HUB, Samuryq Qazyna, ERG, bankter, meduıymdar, oqý ortalyqtary jáne t.b. Túrli qyzmet salalarynda 1300-den astam bos jumys orny usynyldy. Atalǵan jármeńkeni Amanat partııasy bizdiń basqarmalarmen birlese uıymdastyrdy», dep jazdy elorda ákimi.
