7-12 shilde aralyǵynda Bishkek qalasyndaǵy «Balajan» respýblıkalyq estetıkalyq tárbıe berý oqý-ádistemelik ortalyǵynyń uıymdastyrýymen ótken etnokarnavalǵa Qyrǵyzstan, Belarýs, Qazaqstan, Reseı jáne О́zbekstannyń barlyq oblystarynan 400-den astam bala qatysty. Is-sharanyń maqsaty – Qyrǵyzstan men TMD elderiniń etnomádenı erekshelikterin zertteý, jańǵyrtý jáne saqtaý, kórkemdik, mýzykalyq, vokaldyq, horeografııalyq talanttardy damytý. Mádenı kesh aıasynda shyǵarmashylyq baıqaýlar ótkizilip, qatysýshylar túrli janrda baq synady. «Folklorlyq ansambl» atalymy boıynsha Gran-prıdi №2 Balalar mýzyka mektebi – Qaraǵandy qalasynyń IýNESKO klýby – «Aqjeleń» dombyrashylar ansambli jeńip aldy. Jas órenderdiń jarqyn jeńisi aldaǵy ýaqytta eselene bermek.
