Amerıkalyq áriptestermen ekijaqty ótken kezdesýde taraptar keńeıtilgen strategııalyq seriktestikti odan ári jan-jaqty nyǵaıtý boıynsha ózara baǵytty rastady. Aq úıde jáne Memlekettik departamentte ótken kelissózder saıasat, qaýipsizdik jáne saýda salasyndaǵy eń ózekti máseleler boıynsha saıası dıalogti odan ári jandandyrýǵa eki jaqtyń múddeli ekenin rastady.
Kezdesýlerde Qazaqstan delegasııasynyń músheleri amerıkalyq áriptesterine Prezıdent Qasym-Jomart Toqaevtyń bastamasymen júrgizilip jatqan reformalary týraly áńgimelep berdi. Sonyń ishinde zańsyz ıemdelingen aktıvterdi memleketke qaıtarý týraly zań jóninde aqparat berdi. Demokratııalyq reformalardyń ýaqtyly júrgizilgenin quptaı otyryp, amerıkalyq tarap olardy qoldaıtynyn jáne is júzinde júzege asyrýǵa kómektesýge daıyn ekenin málimdedi.
Qazaqstan delegasııasy ıadrolyq qarýsyzdaný jáne taratpaý salasyndaǵy kóshbasshy ekenine nazar aýdardy. Kelissózder barysynda Memleket basshysynyń Halyqaralyq bıologııalyq qaýipsizdik agenttigin qurý týraly bastamasyn júzege asyrý tásilderi talqylandy.
Sonymen qatar Kongress múshelerimen, onyń ishinde О́kilder palatasynyń Syrtqy ister komıtetiniń tóraǵasy Maıkl Makkollmen, «Qazaqstan dostary» kongresindegi kokýstyń teń tóraǵalary Djımmı Panetta, Robert Aderholtpen kezdesý ótti. Kelissózder barysynda basty nazar Qazaqstan men Amerıka Qurama Shtattary arasyndaǵy turaqty qalypty saýda qatynastaryn ornatýǵa, Djekson-Venık túzetýiniń kúshin joıý úderisin belsendirý máselesine nazar aýdaryldy. Taraptar parlamentaralyq baılanystardy damytýdyń mańyzy týraly ortaq pikirge keldi.
Sondaı-aq KazAID-tiń USAID-pen seriktestiginiń áleýetin atap ótken jón. Agenttik basshylyǵymen kezdesýde taraptar Transkaspıı baǵytyn damytýǵa jáne Qazaqstandaǵy energetıkalyq kóshýge qyzyǵýshylyq tanytty. Delegasııa músheleri sonymen qatar jetekshi amerıkalyq oı-talqy ortalyqtary jáne úkimettik emes uıymdardyń ókilderimen birqatar kezdesý ótkizdi.
