Eń úlken kórsetkish Túrkistan oblysynda tirkeldi - 28 myń adam. О́ńirde barlyǵy 110 myńnan astam adam ulttyq sport túrlerimen aınalysady. Birden birneshe oblysta sportshylar sany 10 myńǵa ósti. Bul Qostanaı (13 myńnan 23 myńǵa deıin), Qyzylorda (20 myńnan 30 myńǵa deıin), Pavlodar (17 myńnan 27 myńǵa deıin), Soltústik Qazaqstan (8 myńnan 18 myńǵa deıin) oblystary jáne Shymkent qalasy (10 myńnan 20 myńǵa deıin).
Ulttyq sport túrlerimen aınalysatyndar sany boıynsha kóshbasshylardyń úshtigine Jambyl (40 myń adam) jáne Almaty (39 myń) oblystary kiredi.
Qazaqstan ulttyq quramasynda sportshylar sany boıynsha Túrkistan (74 adam), Jambyl (52 adam) jáne Astana qalasy (43 adam) kósh bastap tur.
«Ulttyq sportqa degen qyzyǵýshylyqtyń artýy - bul Mádenıet jáne sport mınıstrliginiń Ulttyq sportty damytý baǵytyndaǵy júıeli jumysynyń nátıjesi. Árıne, bul iri halyqaralyq týrnırlerdi ótkizý ǵana emes. Mysaly, qajet ınfraqurylym qurylysy júrip jatyr, elimizde 16,5 myńnan astam jańa úıirmeler ashyldy, qoldanystaǵy jarystardyń formaty da ózgerip jatyr», dedi Mádenıet jáne sport vıse-mınıstri Sársen Quranbek.
