Qoǵam • 19 Shilde, 2023

Nurdildá Oraz jańa qyzmetke taǵaıyndaldy

701 ret

kórsetildi

1 mın

oqý úshin

QR Prezıdent Ákimshiliginiń kelisimimen Oraz Nurdildá Serikuly Batys Qazaqstan oblysy ákimi apparatynyń basshysy bolyp taǵaıyndaldy, dep habarlaıdy Egemen.kz.

Gúlshahra SANSYZBAI

Nurdildá Oraz jańa qyzmetke taǵaıyndaldy

Oraz Nurdildá Serikuly 1981 jyly dúnıege kelgen. Bilimi joǵary. Ál-Farabı atyndaǵy Qazaq ulttyq ýnıversıtetin «Jýrnalıstıka» jáne QR IIM B.Beısenov atyndaǵy Qaraǵandy Akademııasyn «Quqyq qorǵaý qyzmeti» mamandyqtary boıynsha bitirgen.

Eńbek jolyn 2003 jyly «31 arna» JShS «Informbıýro» jańalyqtar qyzmetiniń korrespondent-júrgizýshisi bolyp bastaǵan.

Ár jyldary birqatar respýblıkalyq telearnalarda qyzmet atqarǵan. 2009 jyly ishki ister organyndaryna aýysyp, Astana qalasynyń Ishki ister Departamentiniń til saıasaty jáne aqparat bóliminiń basshysy, QR Ishki ister mınıstrligi Memlekettik til jáne aqparat departamentiniń dırektory-mınıstrdiń baspasóz hatshysy, keıinnen resmı ókili boldy. 2016j. QR Bas Prokýratýrasy Apparat basshysynyń orynbasary, 2019-2022jj. QR Ishki ister mınıstriniń keńesshisi boldy.

Qazirgi taǵaıyndaýǵa deıin Batys Qazaqstan oblysy qoǵamdyq damý basqarmasynyń basshysy boldy.