Bul jobaǵa qatysýǵa 6 myńnan astam úmitker ótinim bergen. Solardyń arasynan sýyrylyp shyqqan Nurshat Qusan mýzykalyq jobanyń alǵashqy kezeńinde kompozıtor Arman Dúısenovtiń «Týǵan jer» ánin oryndady. Sol sátte oǵan jas órenderdiń ónerin baǵalaýǵa shaqyrylǵan sahna sańlaqtarynyń ekeýi nazar aýdardy. Keıin ol estrada juldyzy Jubanysh Jeksenulynyń tobynda óner kórsetti.
О́nerli óren kópbalaly otbasynda dúnıege kelgen. Úlken sahnada óner kórsetýdi maqsat etken ol 8 jasynan beri bı bıleıdi. Keıin ata-anasy onyń ánshilik qyryn baıqap, talabyn ushtaýǵa bet burǵan. Atyraýdaǵy D.Nurpeısiova atyndaǵy mýzyka akademııasy janyndaǵy mýzyka mektebiniń oqytýshysy Sholpan Mańǵystaýovanyń aıtýynsha, onyń talanty erte baıqalǵan.
«О́ner joly ońaı emes. Biraq men osy joldy tańdadym. Bolashaqta án shyǵarýdy josparlap júrmin. О́ıtkeni mýzyka – meniń ómirimniń bir bóligi», deıdi Nurshat Qusan.
Ol bı bıleıdi, fortepıanoda oınaıdy, sýret salady. Endi túrli mýzykalyq aspaptarda oınaýdy úırengisi keledi. Onyń bir armany bar. Bul – qazaq elin ónerimen álemge tanytý.
