Jezqazǵan qalasy ákiminiń orynbasary Baqytjan Jaılaýbaev, oblystyq Ardagerler keńesiniń tóraǵasy Saǵyndyq Qojamseıitov bastaǵan azamattar aqsaqaldy qurmetpen kútip aldy. Ol jastarmen kezdesti, saparynyń mánin túsindirdi.
– Men jasymnan sportty serik ettim. Saıahatqa shyǵý, el taný, jer kórý bala kúngi armanym edi. Sol armanyma endi ǵana qol jetkize bastadym, – degen aqsaqal velosıpedpen alǵash ret 2017 jyly saparǵa shyqqanyn aıtty. Sol jyly ol 49 myń teńgege velosıped satyp alyp, araqashyqtyǵy 350 shaqyrymdaı bolatyn Shalqardan Aqtóbege 4-5 kúnde barǵan kórinedi. Sodan beri 100-den asa eldi mekendi aralap shyǵypty.
– Bul jolǵy saparymdy Baıbarys sultannyń 800 jyldyq mereıtoıyna, Shý – Moıynty temirjolynyń paıdalanýǵa berilgenine 70 jyl tolýyna arnaımyn, –degen J.Otarǵalıev aqsaqal jastardy sportty súıýge, únemi sergek júrýge shaqyrdy. Ol kezdesý barysynda júri-turysqa da, densaýlyqty shyńdaýǵa da velosıpedtiń paıdasy zor ekenine toqtaldy.
Elimizdi eki aı merzimde aralap shyǵýǵa nıettengen veloshabandoz qasıetti Ulytaý saparynan soń shejireli Syr eline bet túzedi.
