О́ńir turǵynynyń densaýlyǵy nasharlaı túskenin baıqaǵan dárigerler jedel iske kirisken. Nátıjesinde St segmentin kótermeıtini naqtylanyp, jedel koronarlyq sındrom dıagnozy anyqtaldy. Koronarlyq angıografııa nátıjesinde naýqastan koronarlyq arnanyń eki tamyrynyń zaqymdanýy belgili bolǵan. Júrekti ýltradybystyq zertteý kezinde stenoz basym bolatyn qolqa aqaýy aıqyndalǵan.
Jasandy qan aınalymy jaǵdaıynda oǵan qolqa protezin ımplantasııalaý boıynsha hırýrgııalyq aralasý shuǵyl túrde júrgizilip, koronarlyq arterııany aýtovenozdy qolqa, koronarlyq shýnttaýmen qolqa protezi ornatyldy. Osylaısha, bir operasııa barysynda eki kúrdeli jaǵdaı birden rettelip, eki ret ota jasalmaıtyn bolyp sheshildi.
Buryn-sońdy jasalmaǵan biregeı hırýrgııalyq aralasýdy kardıohırýrgter Baýyrjan Baıtóre, Muhamedııar Jaıpanov, Marat Aqnııazov jáne Nurbol Jalel, sondaı-aq reanımatologter Azamat Orazymbetov pen Aqjan Myrzaǵulov jasap shyqty.
Kardıohırýrgııa bólimshesiniń meńgerýshisi Muhamedııar Jaıpanovtyń aıtýynsha, operasııadan keıingi kezeńde naýqasta serebraldy jetkiliksizdik belgileri anyqtalmaǵan, aıaq-qoldardyń qyzmeti men tanymdyq qabileti saqtalǵan.
Otadan keıingi alǵashqy táýlikte pasıenttiń jaǵdaıy birshama jaqsarǵan. Dárigerlerdiń sheshimimen ol jalpy palataǵa aýystyrylǵan. Kúrdeli de sátti jasalǵan hırýrgııalyq aralasý arqasynda naýqasqa der kezinde joǵary bilikti medısınalyq kómek kórsetilgendikten, onyń jaǵdaıy qalypqa keldi. Operasııanyń bul túri óńirde buryn jasalmaǵan. Sondyqtan bul sanattaǵy naýqastar amaldyń joqtyǵynan ózge óńirlerge attanatyn.
