Búgin, 24 shildede balaǵa qatygezdik tanytqan kelinshektiń qamaýǵa alynǵany belgili boldy. Oblystyq polısııa ókilderiniń aıtýynsha, 22 shildede aýdandyq sottyń sheshimimen 1999 jyly týǵan áıel 2 aıǵa qamaýǵa alyndy.
«Ustalǵan azamatqa qatysty QR Qylmystyq kodeksiniń 126-baby 2-bóligi (Kámeletke tolmaǵan belgili adamǵa qatysty zańsyz bas bostandyǵynan aıyrý) boıynsha sotqa deıingi is qozǵaldy», delingen oblystyq PD baspasóz qyzmeti taratqan habarlamada.
Tártip saqshylary atap ótkendeı, kámelet jasyna tolmaǵan balanyń ata-anasy ustalǵan áıelge aqshalaı qaryz bolǵan kórinedi. Al zardap shekken qyzdyń anasy aýyldasyna aryz jazyp, qyzyn sot-medısınalyq saraptamadan ótkizýden úzildi-kesildi bas tartty.
