Serverlik jabdyqqa jáne basqa da aqparattyq resýrstarǵa qol jetimdikterin paıdalanyp, kúdiktiler arnaıy baǵdarlamalardy qoldaný arqyly talapkerler men pedagogtardyń qyzyǵýshylyq tanytqan kompıýterlerine qashyqtan qosylyp, aqshalaı syıaqy úshin olarǵa testten joǵary nátıjeler alýǵa járdem kórsetken.
«2023 jylǵy 19 shildede 3 negizgi kúdikti ustaldy. Tintý barysynda qashyqtan qosylýdy qamtamasyz etetin tehnıkalyq qurylǵylar men baǵdarlamalar, aqshalaı qarajat jáne ózge de zattaı dáleldemeler tárkilendi. Qazaqstan Respýblıkasy Qylmystyq kodeksiniń 207 «Aqparattyq júıeniń nemese telekommýnıkasııalar jelisiniń jumysyn buzý») jáne 210 baptary («Zııan keltiretin kompıýterlik baǵdarlamalar men baǵdarlamalyq ónimderdi jasaý, paıdalaný nemese taratý») boıynsha sotqa deıingi tergep-tekserý bastaldy», delingen habarlamada.
Qylmystyq-prosestik kodekstiń 201-babyna sáıkes ózge aqparat tergeý múddesinde jarııa etilmeıdi.
Aıta ketsek, 2022 jyly Ulttyq qaýipsizdik komıteti osyǵan uqsas qylmystar jasaǵany úshin 6 adamdy qylmystyq jaýapkershilikke tartqan edi.
