Buǵan deıin Astananyń bas sanıtarlyq dárigeri Sarhat Beısenova elordada qyzylshamen aýyrǵandar sany artqanyn aıtqan edi.
Aıta ketsek, atalmysh indetti juqtyrý derekteri kóptegen elderde baıqaldy, sony ishinde Qazaqstanda da tirkelip otyr.
«Bıyl 2 myńǵa jýyq bala qyzylshamen aýyrdy, olardyń basym kópshiligi ekpe saldyrmaǵan. Bastapqyda syrqattanýshylar shet elden juqtyryp ákeldi: balalar basqa elderge demalýǵa baryp, qyzylsha juqtyryp keldi, saldarynan ekpe saldyrmaǵandary da syrqattanyp qaldy. Alǵashqy derekter jyldyń basynda Túrkııadan, Reseıden tirkelgen edi, al qazir qyzylsha juqtyrǵandardyń sany kúrt ósti», dep pikir bildirdi Ajar Ǵınııat.
Vedomstvo basshysynyń aıtýynsha, qyzylshaǵa qarsy ekpeni qosymsha saldyrýdyń keregi joq.
«Qyzylshaǵa qarsy ekpe jeke salynady, qosymsha egý naýqany josparlanbaıdy. Vaksınasııa jumystary buryn ekpe saldyrmaǵan balalarmen júrgiziledi», dep túsindirdi Densaýlyq saqtaý mınıstri.
Osy tusta mınıstr aýrýdyń órshýine jol bermeý úshin dárigerler aqparattyq-túsindirme jumystaryn júrgizip jatqanyn qosa aıtty. Dárigerler naýqas balalardy oqshaýlaý jumystaryn júrgizýip, qyzylshadan qorǵanýdaǵy vaksınanyń mańyzdylyǵyn da eske salyp otyrady.
Karıma JUMAǴALI,
Qorqyt ata atyndaǵy Qyzylorda ýnıversıtetiniń stýdenti
