Foto: senate.parlam.kz
Senator Tastóbe aýylyndaǵy 500-ge jýyq turǵyndy jumyspen qamtyp otyrǵan «Qyzyldıhan» óndiristik kooperatıviniń jumysymen tanysty.
Aımaqtaǵy sý arnalarynyń jumysynan habardar bolǵan depýtat Bekbolat Orynbekov óńirdegi sýarmaly jerler máselesi ótkir ekenin nazarǵa alyp, sýarý tehnıkasyn ýaqytyly jáne sapaly jóndeý júrgizý oblystyń damýyna jańa serpin beretinin atap ótti.
«Qazirgi ýaqytta QR Senatynyń depýtattary elimizdiń ómirinde erekshe oryn alatyn asa mańyzdy zańdardy qabyldady. Endi qabyldanatyn zańdardyń sapasyn arttyrý maqsatynda shalǵaıdaǵy aýyldyq aýdandardaǵy qarapaıym turǵyndarmen de pikir almasamyz. Aýdan turǵyndarynyń usynystaryn eskere otyryp qabyldaǵanda ǵana zań sapaly bolady», dedi depýtat.
Senator jumys sapary barysynda Moıynqum, Talas, Baızaq aýdandarynda jáne Taraz qalasynda bolyp, birqatar áleýmettik nysandardy aralap, halyqpen kezdesti.
