Oıyqtaǵy oıyn alańy

«Samruk-Kazyna Trust» áleý­met­tik jobalardy qoldaý qory, «Qazaq­gaz» óndirý jáne barlaý JShS demeýshiligimen aýyldaǵy ortalyq saıabaq qaıta jańǵyrtylyp, basketbol, voleıbol jáne street workout alańshasy salynyp, halyq ıgiligine berildi.

«Sońǵy derekterge súıensek, Ta­las aýdany halqynyń 40,9 paıyzy turaqty túrde buqaralyq sportpen shuǵyldana bastady. Bul, árıne, kóńil qýantarlyq nátıje ekeni daýsyz. Aýyl balalarynyń sportpen aınalysýy úshin jergilikti atqarýshy bılik qolushyn sozyp otyr. Oblys ákimi Nurjan Nurjigitov te bul máseleni nazardan tys qaldyrǵan emes. Oıyq aýylynyń turǵyndary sport alańy kerektigin bu­ryn­nan aıtyp júr­gen. Búgin, mine, demeýshilik esebi­nen olar­dyń tilegi oryndalyp otyr», deıdi Talas aýdanynyń ákimi Nurbol Júnisbekov.

Jańadan salynǵan sport ala­ńynda balalardyń basketbol, voleıbol sekildi sport túrlerimen emin-erkin aınalysýyna barlyq múmkindik qarastyrylǵan. Aýdan ákiminiń aıtýynsha, alańdy salý barysynda jergilikti atqarýshy bılik aýyl jastaryn ǵana emes, jalpy turǵyndardyń jaǵdaıyn jasaýǵa aıryqsha den qoıǵan. Nátıjesinde jaıly oryndyqtar ornalastyrylyp, eldi meken turǵyndarynyń alańsyz serýendeýi úshin jaıly aımaq qarastyrylypty.