Dálirek aıtqanda, toǵyz taýar boıynsha baǵa tómendegen. Baǵa túsýiniń uzaqtyǵy boıynsha kúnbaǵys maıy, qaraqumyq, qus eti kósh bastap tur. О́tken aptada pııaz, qant, sábiz, kartop, un, tuzdyń baǵa ındeksi tómendedi.
Kóptegen áleýmettik ónim baǵasynyń tómendeýine qaramastan, olardyń keıbiri, atap aıtqanda, qyryqqabat, jumyrtqa, kúrish baǵasynyń shamaly ósý úrdisi saqtalǵan. Keńes barysynda osy máselege erekshe nazar aýdaryldy.
«Búginde azyq-túlik korporasııasy 6 myń tonna kúrish jarmasyn satyp alǵan. О́ńirler tek 5,7 myń tonna kúrishke kelisim-shart jasady, ony 25 myń tonnaǵa deıin jetkizý tapsyrylǵan bolatyn. Kúrishtiń jetkilikti kólemde bolýy ǵana kúrish baǵasynyń ósý qarqynyn tómendetýge múmkindik beredi», dedi Saýda jáne ıntegrasııa birinshi vıse-mınıstri Arman Shaqqalıev.
Sonymen qatar ol aınalym shemasy arqyly satyp alýdy uıymdastyrý boıynsha Qazaqstannyń jumyrtqa óndirýshiler qaýymdastyǵymen jumys júrip jatqanyn aıttyp. О́ńirlerge tikeleı óndirýshi zaýyttarmen kelisim-sharttar jasaýdy qamtamasyz etý tapsyryldy.
Deldaldyq shemalardy tergeý jónindegi óńirlik komıssııalardyń jumysy bólek qaraldy. Jyl basynan beri komıssııalar 1 108 otyrys ótkizip, 360 ónimsiz deldal joıyldy, 716 tizbek taldanyp, 122 fakt boıynsha saýda ústemesin asyrý qaýpi anyqtaldy.
«Mysaly, maýsym-shilde aılarynda iri óndirýshiler 5 myń satyp alýshyǵa 27 mln-nan astam jumyrtqa ótkizdi, onyń ishinde 1 500 jeke tulǵaǵa 1,5 mln-nan 2 mln-ǵa deıin jumyrtqa satyldy. Sodan keıin tizbek úziledi. QM MKK-men birlesip, zańsyz kásipkerlik úshin jeke tulǵalardy jaýapqa tartý máselesin qarastyrý, sondaı-aq ÁMAT-ty ótkizý kezinde osy tulǵalardy elektrondyq shot-faktýralarǵa sáıkestendirýdi júrgizý qajet dep sanaımyz», dedi Saýda jáne ıntegrasııa birinshi vıse-mınıstri.
Sonymen qatar keńes barysynda Aýyl sharýashylyǵy vıse-mınıstri Baǵlan Bekbaýov baıandama jasady, ol 2024 jylǵy maýsymaralyq kezeńge óńirlerde pııaz jáne sábiz boıynsha usynylǵan kólem jınalǵanyn habarlady. Ákimdiktermen birlesip, kartop, qyryqqabat, qaraqumyq jarmasy, kúrish, kúnbaǵys maıy, un jáne qantqa forvardtyq kelisim-sharttar jasasý boıynsha jumys jalǵasyp jatyr.
«Eldegi salystyrmaly túrde turaqty jaǵdaıǵa qaramastan, ákimdikter áleýmettik ónimderdi, eń aldymen, pııaz ben qyryqqabat boıynsha kelisim-shart týrasynda belsendi jumysty jalǵastyrýy qajet. 1 tamyzǵa deıin kúrishti jetkizýge jáne qajetti kólem boıynsha aldyn ala kelisim-shartqa otyrýǵa forvardtyq kelisim-sharttar jasasý qajet. Jumyrtqa baǵasyn turaqtandyrý boıynsha tıisti sharalar qabyldaý, bıznes, óndirýshiler, saýda jelilerimen jumys júrgizý, Qarjy mınıstrligimen jáne Básekelestikti qorǵaý jáne damytý agenttigimen birlesip, artyq deldaldardy joıý boıynsha jumys isteý qajet», dep qorytyndylady Serik Jumanǵarın.
