Oblystyq aýyl sharýashylyǵy basqarmasynyń basshysy Salaýat О́teǵulovtyń aıtýynsha, bul jobamen jeke jáne qosalqy sharýashylyqtardyń ıeleri 2,5%-ben 8,6 mln teńgege deıin nesıe alady. Al aýyl sharýashylyǵy kooperatıvterin qurý, qajetti ınfraqurylymmen qamtamasyz etý úshin 27,6 mln teńge nesıe beriledi. Osyndaı nesıe berý arqyly turǵyndardyń tabysyn arttyrý kózdelgen. О́ńirdegi 54 aýylǵa skrınıng júrgizildi. Nátıjesinde, 433 adam 3 mlrd 103 mln teńgeniń nesıesin alýǵa nıet bildirdi.
Biraq «báldý, báldý, bári ótirik» degenniń keri kelip tur. Jobany ilgeri jyljytý úshin álsin-álsin jıyn ótkiziledi. Bıylǵy mamyrda ótken osyndaı jıynda oblys ákimi Serik Shápkenovtiń pikirinshe, «Aýyl amanaty» jobasyn júzege asyrý jumystary nashar júrip jatqanyn aıtqan edi. Sol sebepten, jobany iske asyrýǵa salǵyrttyq tanytqan oblystyq aýyl sharýashylyǵy basqarmasynyń basshysy Salaýat О́teǵulov pen «Atyraý» áleýmettik kásipkerler korporasııasy» AQ tóraǵasy Danııar Tahanovqa qatysty tártiptik jaza qoldanylǵan.
– Bizdiń oblysta «Aýyl amanaty» baǵdarlamasy boıynsha atqarylyp jatqan istiń joqtyǵyn kórip otyrmyn. Bir jarym aı buryn bul jobany qolǵa alý tapsyryldy. Sol kezde jumys mamyr aıynda bastalatynyn aıttyńyzdar. Alaıda áli jumys joq. Másele bólingen aqshany úlestirip berý emes, baǵdarlamanyń oryndalýynda bolyp otyr. Negizgi maqsat – kooperatıvterdi damytý. Nıet etken adam malyn baǵyp, tapqan ónimin esh kedergisiz satatyn jaǵdaıǵa jetýge tıis. Baǵdarlamaǵa jaýapty sala basshylaryn basqa óńirlerge tájirıbe almasýǵa jiberdik. Biraq budan qorytyndy shyǵara almadyńyzdar. Turǵyndar «Aýyl amanaty» jobasynyń bar ekenin áli kúnge deıin bilmeıdi, – degen edi Serik Shápkenov.
Al ótken aptada osy baǵdarlamany iske asyrý barysyn talqylaǵan taǵy bir jıyn ótti. «Atyraý» ÁKK» AQ basqarma tóraǵasynyń orynbasary Azamat Aıtpaevtyń málimetinshe, oblys ákimdigi, Aýyl sharýashylyǵy jáne Qarjy mınıstrlikteri arasynda úshjaqty kredıttik shartqa qol qoıylǵan.
«Atalǵan shartqa sáıkes aýyl turǵyndaryna shaǵyn nesıe berý úshin 1 mlrd 504 mln teńge bólindi. Kredıttik shart sheńberinde 188 shaǵyn nesıe berý, 199 jańa jumys ornyn qurý kózdelip otyr. Áleýmettik-kásipkerlik korporasııasynyń esepshotyna qarjy aýdaryldy. Korporasııa shaǵyn nesıe berýge daıyn. «Aýyl amanaty» baǵdarlamaǵa qatysý úshin 80 ótinish tústi. Alaıda onyń ishinde 10 ótinish ǵana barlyq talapqa saı keledi. Qalǵan ótinish ıeleri qajetti qujattardy tolyqtyryp jatyr. Erejege sáıkes, kredıttik ótinim berý úshin 17 qujat usyný qajet. Al ótinishterge 15 kún ishinde taldaý júrgizilip, sheshim shyǵarylady», deıdi Azamat Aıtpaev. Oblys ákiminiń orynbasary Marat Mýrzıev osyǵan baılanysty oblystyq aýyl sharýashylyǵy basqarmasynyń basshysy Salaýat О́teǵulovqa baǵdarlamany iske asyrýdy júıeleýdi eskertti. Sondaı-aq baǵdarlamaǵa qatysý úshin 17 qujattyń tizimin azaıtýdy usyndy.
– Bizdiń maqsatymyz – kásipkerlerge qoldaý kórsetý. Bul baǵdarlamaǵa qatysý úshin kóp qujatty tapsyrý jergilikti sharýa qojalyǵynyń ıeleri men kásipkerler úshin tıimsiz bolyp otyr. Sondyqtan qujattar tizimin jeńildetý qajet, – dedi Marat Mýrzıev.
Ázirge atalǵan baǵdarlamanyń qalaı qarqyn alatyny belgisiz bolyp otyr. Aýyl turǵyndary bul baǵdarlama kóre ala ma? Álde kóp baǵdarlamanyń biri bolyp qala ma?
