Sanjardyń juldyzdy sáti

Sanjar áýelde bıologııaǵa qy­zyqqan eken. Keıin hımııaǵa ań­sary aýypty. Ol halyqaralyq olım­­pıadaǵa osymen úshinshi ret qa­tysyp otyr. Onyń bastapqy eke­ýinde onlaın formatta baq synasa, sońǵysyna arnaıy barǵan. 10 kúnge sozylǵan zerdeliler do­da­syna álemniń 90-ǵa jýyq mem­le­ke­tinen oqýshylar qatysty. Bar­lyǵy shamamen 360-tan astam oqýshy baq synady.

– Saıys eki bólimnen turdy. Birinshisi – praktıkalyq, ekinshisi – teorııalyq jumys. Prak­tıkalyq jumysta úsh tapsyrma berildi. Onda ártúrli sa­palyq, san­dyq taldaý jasaý kerek boldy. Teorııa­lyq tapsyrma ǵy­lymı taqyryp­tarǵa baılanys­ty berildi. Maǵan praktıkalyq bólim kúrdeli boldy. Sebebi keıingi jyl­dary olımpıada onlaın format­ta ótkendikten, tek teorııalyq bó­limniń tapsyrmalaryn ǵana oryn­daǵan edim. Bul jolǵy doda osy turǵydan alǵanda úlken tájirıbe boldy dep sanaımyn. Olımpıadada Qytaı, AQSh, Japonııadan kelgen oqýshylar úne­mi top jaratyn. О́z basym qy­taı­lyqtardy negizgi qarsylas sanadym. О́ıtkeni Qytaı memleketi oqý­shylar arasynda qatań irikteý ótkizedi ári tek úzdikterdiń úzdigi­n­e ǵana senim artady. Nazarbaev zııatkerlik mektepteri arasynda da jan-jaqty irikteý júrgizildi. Oblysty baǵyndyrǵan oqýshy res­pýblıkalyq dodada baq synaı­dy. Respýblıka deńgeıinde kózge tús­ken tórt oqýshy ǵana halyqara­lyq olım­­pıadaǵa joldama aldy, – dedi Sanjar. Zııatkerdiń anasy Laýra Májı­tova balasynyń bilim básekelerine kishkentaı kúninen daıyndalǵanyn aıtty.

– Buǵan deıin otbasymyzda hı­mıkter bolmaǵan. Fızıka, matematıka, fılologııa salalaryn tańdaǵandar boldy. Sanjar hımııany tańdaǵanda tań qaldyq. Birin­shi synyptan bastap ony olımpıada­ǵa baýlı bastadyq. Eń alǵashqy olımpıadasyna ekinshi synypta qatysty. Synyp jetekshisimen birge Túrkııaǵa bardy. Úshinshi synypta matematıka páni bo­ıynsha Bolgarııadaǵy básekede baq synady. Odan da medalmen oraldy. Sodan beri ulymnyń halyqaralyq olımpıadalarda top jarýyn tiledim. Shúkir, eki ret kúmis júldeger atan­dy, bul joly altyn medaldi en­shiledi. Sondaı-aq Sanjar bir­neshe tildi erkin meńgergen. Mek­tebi úlken múmkindikterge jol ashty. Ol – óte eńbekqor bala. Jetistiginiń basty syry da osyn­da. Hımııa páninen alǵashqy olımpıadasyna 9-synypta Alma­ty qalasynda qatysyp, 17-oryn­dy ıelendi. Sol kezde Sanjar «Mama, kelesi jyly birinshi oryn alamyn» dep ýáde berdi. Sol ýádesinde turdy, – deıdi Laýra Májıtova.

Sanjar bul olımpıadaǵa Qa­zaq­­stan quramasynyń jetekshisi Azım Amanjolovpen bir jarym jyl daıyndalǵan eken.

– Dástúrli olımpıadaǵa tyń­ǵylyqty daıyndyq kerek. Máse­len, biz qatysqan bilim básekesine oqýshylardy 8-synyptan bastap daıarlaımyz. Basynda qıyndyq bolady, álbette. Biraq keıin bári de qalypqa túsedi. Aıtalyq, San­jar shákirtim Ábilmansurmen bir­­ge daıyndaldy. Ábilmansur ba­rynsha qoldaý kórsetti. Bul jol­ǵy jetistikti bes jyldyq da­ıyn­dyqtyń óteýi dep aıta alamyn. San­jardyń altyn alatyny­na senimdi boldym. О́ıtkeni byl­tyr kúmisti ıelendi. Onyń ústi­ne tájirıbesi de tolysty ári da­ıyndyq jumystary da jan-jaq­ty júrgizildi, – deıdi Azım Amanjolov.

Sanjardyń kýratory Oral Bekbolatqyzynyń aıtýynsha, ol – mekteptegi úlgili oqýshylar­dyń biri. «Sanjar mektepte ózin jaqsy jaǵynan kórsetti. Olım­pıadalarǵa qatysýǵa sabaqtan bo­satsaq ta, qalyp qoıǵan taraý­lardy jyldam ıgerip alady. О́zi­ne tapsyrylǵan isti joǵary jaýapkershilikpen at­qarady. Mek­tepte ótkizilgen má­denı jáne tár­bıelik is-sharalarǵa belsene qa­ty­sady. Minezi ashyq, us­tamdy, sabyrly, kishipeıil. О́zge­lermen tez til tabysady. Qolushyn sozýǵa daıar turady. Jeke tulǵalyq kóz­qarasy qalyptasqan. О́z oıyn, piki­rin ashyq, anyq jetkizedi», deı­di Oral Bekbolatqyzy.

Oqýǵa júırik oqýshy dom­byra men gıtarada jaqsy oınaı­dy, shahmatty da jetik meńgergen. Bir sózben aıtqanda, segiz qyrly, bir syrly jan. «Maǵan senim artyp, qoldaý kórsetken ata-anama, ustaz­daryma, tálimgerlerime, dos­taryma alǵysym sheksiz», deıdi Sanjar.

Saltanat BAITEKENOVA,

H.Dosmuhamedov atyndaǵy Atyraý ýnıversıtetiniń

4-kýrs stýdenti