73 jastaǵy qarııa álemdi jaıaý aralamaq

Jasynyń ulǵaıǵanyna qara­mas­tan taǵy da táýekelge baryp, bul joly jer júzin jaıaý júrip ótý­ge bel býǵan qaısar da qýatty qar­ty­myz qandaı kisi?

Jańaarqa topyraǵyna kindik qany tamǵan qarııanyń sanaly­ ǵu­m­yry Ulytaýda, Jezqazǵanda ótip keledi. Qol­óner­ge qatysty on shaq­ty­­ ma­man­dyqty ıgerip alǵan, tabı­ǵa­tynan ustalyqqa beıim S.Qotyrashov Ulytaý aýda­ny­nyń ortalyǵyndaǵy mýzeıde kóp­ jyl boıy restavrator bol­dy. Bir ǵajaby, ol áli kúnge de­ıin eńbekten qol úzgen joq. Qazir Jezqazǵan temir-beton zaýy­tyn­da tokar bolyp eńbek etedi. Aıt­paq­shy, bıylǵy saparǵa naq osy zaýyt demeýshilik tanytyp otyr.

Jezqazǵan tarıhı-arheo­lo­gııa­­lyq­ mýzeıinde aqsaqaldy jańa saıa­ha­tyna shyǵaryp salý sal­tanaty­ bol­dy. Saltanatta Jez­qaz­ǵan qala­synyń ákimi Qaırat Shaı­janov, oblys­tyq­ mádenıet, til jáne arhıv isi men qo­ǵamdyq damý basqarmalarynyń basshylary Ánýar Omar, Darhan Muhan, oblys­tyq Ardagerler keńesiniń tór­aǵasy Saǵyndyq Qojamseıitov, aqyndar Muqash Seıt­qa­zınov, Qýanysh Maq­sutov aqsa­qal­dyń saparyna sát­ti­lik,­ jolyna jaq­sylyq tiledi.

Sársenbaı aqsaqal: «Mundaı jolǵa shyǵý úshin aldyńa belgili bir maqsat qoıý kerek», deıdi. Ol ótken jolǵy saparǵa aldyna úsh túrli maqsat qoıǵanyn atap ótti. Sonyń biri júrgen jerlerdegi qol­ónershilerdiń tizimin jasap,­ keli­sim­shartqa baılanys­ty­ IýNESKO-ǵa­ tabystaý bola­tyn. Qazir sonyń arqa­syn­da eli­mizdiń qolóner sheberleri arnaıy saıt arqyly óz ónimderin ále­m­niń kez kelgen eline tapsyrys arqy­ly jónelte alady. Sársenbaı aqsa­qal­dyń saıahatynyń kópke tıgiz­gen bir sharapaty osyndaı.

Bıyl da ol aldyna taǵy úsh túrli maq­sat qoıyp otyr. Birinshiden, álem­ halqyn beıbitshilikke sha­qyrý, soǵysqa jol bermeý. «Soǵys­ta­ jeńgen de, jeńilgen el de orasan zor shyǵynǵa batady, halyq kúızeliske ushyraıdy. Sondyqtan soǵysta jeńimpaz bolmaıdy», dep sanaıdy ol. Ekinshiden, sala­mat­ty ómir saltyn ustanýdyń artyq­shylyǵyn dáleldeý. Jas­ta­ıynan jaıaý júrýdi ádetke aınal­­­dyrǵan aqsaqal álem halqyna «Densaýlyǵyńdy oılasań, kúnine kem degende 7 shaqyrym jaıaý júr» degen úndeý tastamaq. Úshinshiden, bálkim, eń bastysy da sol bolar, dúnıedegi qarapaıym adamdar arasynda qazaq ultynyń ejelgi tarıhy, mádenıeti jóninde maǵlumat berý, tanystyrý.

Bul sapar birneshe kezeńnen quralmaq. Tamyzdyń 2-si kúni Aty­raý­dan Astrahandy betke­ alyp jol­ǵa shyǵatyn aqsaqal Reseıdiń bir­qatar jerin, Grýzııa­ny basyp ótip, Túr­kııaǵa taban tiremek, Ankaradan Ys­tam­­bul qala­syna sheıin jaıaý júrip ótpek. Jalpy uzyndyǵy 2 890 sha­qyrym quraıtyn marshrýt­ty­­ aqsaqal 100 kúnde aıaqtaýǵa nıet­ti.­

«Alla qýat berse, sosyn elge qaıtyp kelemin de, 2024-2025 jyl­­­dary saıahatty qaıta jalǵas­ty­­ra­myn. Álemniń Fransııa, Ame­rıka, Qytaı, Mońǵolııa tárizdi el­derinde bol­­ǵym keledi», degen aqsa­qal­ osy úsh jylda 16 210 sha­qy­rym jer­di jaıaý­ aralamaq.

О́ziniń ǵana emes, ultynyń qaı­sar­­lyǵyn álemge pash etkeli jolǵa shyq­qan aqsaqaldyń sapary oń bolsyn!