Qonaqtardy áýejaıda QR Premer-mınıstrdiń orynbasary – Saýda jáne ıntegrasııa mınıstri Serik Jumanǵarın kútip aldy.
Delegasııa qatarynda Aýǵanstannyń Ortalyq bankiniń basshylary, iri jeke menshik bankterdiń, «Da Afganıstan Breshna Sherkat» (DABS) energetıkalyq kompanııasynyń, «Afgan telekom» (AfTel) telekomýnıkasııalyq kompanııasynyń, aýyl sharýashylyǵy ónimderi men mal sharýashylyǵy palatasynyń, saýda-ınvestısııalyq palatasynyń, sondaı-aq aýyl sharýashylyǵy, farmasevtıka, ónerkásip, kólik-logıstıka, ınjenerlik, toqyma jáne basqa kompanııalardyń ókilderi bar.
Aıta ketsek, búgin, 2 tamyzda Qazaqstan jáne Aýǵanstan kompanııalarynyń prezentasııalary, B2B kelissózderi ótedi. Al erteń, 3 tamyzda bıznes-forým jumysyn bastaıdy, 4 tamyzda elorda turǵyndary men qonaqtary aýǵan taýarlarynyń kórmesin (EXPO, Kongress-ortalyq) tamashalaı alady. Kórmede Aýǵanstannan túrli azyq-túlik, mys ydystar, mármár, kilemder, zergerlik buıymdar men basqa da taýarlar usynylady.
