Kúni keshe О́skemende Qazaqstan Jýrnalıster odaǵy Shyǵys Qazaqstan oblystyq fılıalynyń tóraǵasy Nurtas Soltanulynyń bastamasymen tuńǵysh ret jazýshy Marat Qabanbaı atyndaǵy shaǵyn fýtboldan respýblıkalyq týrnır dúrkirep ótti. Fýtbol jarysynyń demeýshisi – qashanda óner men mádenıetti, sportty qoldaıtyn «Kazsınk» jaýapkershiligi shekteýli seriktestigi.
Týrnırge Abaı, Jetisý jáne Shyǵys Qazaqstan oblystarynan onǵa tarta komanda qatysty. Tartysty ótken shaǵyn fýtbol básekesinde Taldyqorǵannan kelgen «Qareket» komandasy bas júlde men 1 mıllıon teńgeni ıelendi. Ekinshi oryndy – «Abaı-aqparat», al úshinshi oryndy «Shyǵys» komandalary jeńip aldy. Olar tıisinshe 700 jáne 400 myń teńgeniń sertıfıkatyna ıe boldy. Júldegerler syılyqtarmen, maqtaý gramotalarymen marapattaldy. Endi bul jýrnalıster arasyndaǵy dástúrli týrnır bolmaq. «Kazsınk» jaýapkershiligi shekteýli seriktestiginiń ákimshilik máseleler jónindigi atqarýshy dırektory Andreı Lazarevtiń aıtýynsha, kásiporyn aldaǵy ýaqytta da buqaralyq sportqa qoldaý kórsete
bermek.
Ońdasyn ELÝBAI,
jýrnalıst
О́SKEMEN
