Balalardyń ıgiligine berilip otyrǵan ortalyqtyń ashylý saltanatyna óńir basshysy Nurjan Nurjigitov, Oqý-aǵartý mınıstrligi Balalar quqyǵyn qorǵaý komıteti tóraǵasynyń orynbasary Batyrhan Joldas qatysyp, balalardy qýanyshymen quttyqtady. Ortalyqtyń ashylý rásiminde sóz alǵan óńir basshysy nysannyń jyl boıy toqtaýsyz jumys isteıtinin aıtyp ótti.
«Prezıdenttiń saılaýaldy baǵdarlamasyn iske asyrý maqsatynda óńirde aýqymdy jumystar atqarylýda. Baǵdarlama aıasynda respýblıka boıynsha balalarǵa arnalǵan 50 saýyqtyrý lagerin qurý kózdelgeni málim. Memleket basshysy birneshe óńirdegi rezıdensııany balalardyń ıgiligine berýdi tapsyrǵan edi. Sol tapsyrma óńirde oryndaldy. Nátıjesinde, «Móldir bulaq» oqý-saýyqtyrý ortalyǵynyń ashylý saltanatyna kýá bolyp otyrmyz. Ortalyqqa kelgen balalar jaz mezgilinde 12 kún, basqa mezgilderde 24 kún saýyqtyrý sharalarymen qamtylady. Balalardyń bolashaǵy men densaýlyǵy – memleket alǵa qoıǵan basty basymdyqtardyń biri. El erteńine úmitpen qarap otyrǵan jas óskinderdiń bir parasy osy ortalyqtyń alǵashqy qarlyǵashtaryna aınalǵanymen barshańyzdy quttyqtaımyn», dedi N.Nurjgitov saýyqtyrý ortalyǵynyń ashylý saltanatynda sóılegen sózinde.
Munan keıin sóz alǵan Oqý-aǵartý mınıstrligi Balalar quqyǵyn qorǵaý komıteti tóraǵasynyń orynbasary Batyrhan Joldas, oblystyq ata-analar qoǵamdyq keńesiniń tóraǵasy Rınat Nuraqbaev ta izgi lebizderin jetkizdi. Is-shara barysynda jınalǵandar konserttik baǵdarlamany tamashalady.
Jalpy, óńir jasóspirimderiniń ıgiligine berilgen ortalyq 10 gektar alqapty alyp jatyr. Munda balalardyń demalysyn joǵary deńgeıde uıymdastyrýǵa barlyq jaǵdaı qarastyrylǵan. Naqtyraq aıtar bolsaq, zamanaýı qural-jabdyqtarmen qamtylǵan oqý kabınetteri, sport alańdary, úıirme bólmeleri bar. Sondaı-aq baldyrǵandar bes mezgil ystyq tamaqpen qamtylǵan.
