Qazaqstan Respýblıkasy Indýstrııa jáne ınnovasııalyq damý mınıstrligi Avtomobıl joldary komıteti men «Qazavtojol» AQ-nyń ókilderi depýtattardy atqarylǵan jumystardyń barysymen tanystyrdy. Sondaı-aq bul jerdegi avtomobıl joly ýchaskesiniń jalpy uzyndyǵy 185 shaqyrym bolatyny jáne jumys kestesine sáıkes aǵymdaǵy jyly aıaqtalýy tıis ekeni týraly aıtyldy.
Depýtattar óz kezeginde joldyń osy bóliginde jumys kúshi men tehnıkanyń jetkiliksizdigin jáne jóndeý jumystarynyń kórsetilgen merzimde aıaqtalmaı qalý qaýpi zor ekenin atap ótti.
Parlamentshiler Jetisý oblysynyń logıstıkasyndaǵy osy jol ýchaskesiniń áleýmettik mańyzdylyǵyna, sondaı-aq jol jóndeý jumystarynyń sapasyn arttyrý men ýaqtyly oryndalýy qajettigine tapsyrys berýshi men merdigerdiń nazaryn aýdardy.
