Sınoptıkterdiń boljaýynsha, elimizdiń basym bóliginde turaqsyz aýa raıy sıpaty saqtalady.
«Atmosferalyq frontaldy bólimderdiń ótýine baılanysty elimizdiń basym bóliginde aýa raıynyń turaqsyz sıpaty saqtalady, jańbyr jaýyp, naızaǵaı oınaýy yqtımal. Qazaqstannyń batysynda ǵana jaýyn-shashynsyz aýa raıy kútiledi. Respýblıkamyz boıynsha jel ekpin alyp, ońtústik óńirde shańdy daýyl bolady dep boljanady. Soltústik óńirde túnde jáne tańerteń tuman túsip, kúndiz eldiń soltústigi, ortalyǵynda burshaq jaýýy yqtımal», dep habarlaıdy «Qazgıdromet» RMK.
Kúndiz Almaty, Atyraý, Batys Qazaqstan, Jetisý oblystarynda, Aqtóbe oblysynyń ońtústiginde, batysynda synap baǵany +35...39°S, Mańǵystaý oblysynyń ońtústiginde, soltústik-batysynda +38... +41°S kórsetip, aptap ystyq bolady dep boljanady.
Kúndiz Jetisý oblysynyń ońtústiginde, shyǵysynda, Almaty oblysynyń ortalyǵynda +40... +42°S qatty ystyq bolady.
Aqmola, Atyraý, Batys Qazaqstan, Soltústik Qazaqstan oblystarynyń batysynda, shyǵysynda, Pavlodar oblysynyń ońtústiginde, shyǵysynda órt qaýpi joǵary ekeni eskertiledi.
Mańǵystaý, Túrkistan, Almaty, Jambyl, Qyzylorda, Shyǵys Qazaqstan, Qaraǵandy, Ulytaý, Jetisý jáne Abaı oblystarynda, Qostanaı oblysynyń ońtústiginde, ortalyǵynda, Aqtóbe oblysynyń ońtústiginde, Atyraý óńiriniń batysynda, shyǵysynda, Aqmola oblysynyń ońtústiginde, batysynda tótenshe órt qaýpi saqtalady.
