«5 tamyz kúni saǵat 16:25-te «QazTransGaz Aımaq» AQ apattyq dıspetcherlik qyzmetine úsh adamnyń gaz jarylysynan zardap shekkeni týraly habarlama keldi. Oqıǵa Astana qalasynyń «Nurly jol» vokzalynyń mańyndaǵy shaǵynaýdanda bolǵan. Jedel jetken apattyq-dıspetcherlik brıgadanyń málimetinshe, jeke turǵyn úıde bolǵan gaz jarylysyna propan gaz ballony sebepker bolǵan», dep jazylǵan habarlamada.
Jarylystan zardap shekken 1995 jylǵy er adam men onyń 2 jáne 7 jastaǵy eki balasy aýrýhanaǵa jatqyzylǵan.
Uıymnyń habarlaýynsha, gaz ballony redýktorynyń shlangpen jalǵanatyn tusynda bolǵan aqaýdan shyqqan gaz propan ballony turǵan oryn men oǵan japsarlas jýynatyn bólmede jınalyp qalǵan. Keıin jýynatyn bólmege kirip jaryq jaqqanda ushqynnan gaz jarylǵan.
Jarylys kezinde tabıǵı gaz óshirilip turǵan. Tabıǵı gazǵa qosylýly úı ıeleri ony tek jylytý maýsymynda ǵana qoldanyp, qalǵan kezde gaz ballondaryn qoldanyp kelgen.
Kishigirim toı-tomalaq ótkizý úshin jalǵa berilip kelgen kottedjde gaz dabylqaqqyshtary ornatylǵanmen, biraq iske qosylmaǵan.
«Oqıǵa ornyna TJD, ýchaskelik polısııa qyzmetkerleri, úıishilik gaz jabdyqtaryna qyzmet kórsetý kompanııasynyń ókili men úı ıesi shaqyryldy. Qazirgi ýaqytta jaǵdaıdyń sebepteri anyqtalýda. Bul rette «QazTransGaz Aımaq» AQ úıishilik gaz jabdyqtaryna tehnıkalyq qyzmet kórsetpeıtinin atap ótemiz. Gazdy paıdalaný erejelerin saqtańyzdar», delingen habarlamada.
