DOSTYQ – MÁŃGI GÚLDEITIN DARAQ

Kókshede Qazaqstan halqynyń birligi merekesin Táýelsizdik alańynda qarsy alý dástúri qalyptasqan. Bıylǵy mereke “Biz – Qazaqstan halqymyz” atty horeografııalyq kirispemen bastalǵany, kók tósinde qýanyshty kóńilderdiń jarshysyndaı, aq qanat kóbelekter qalyq­taǵany ózindik bir ádemi jarasyp tapqan-tyn. Qýanatyn da jaıymyz bar edi. Jylymyz jaqsy bastaldy. Oblysta jańadan 1640 jumys orny qurylyp, eńbekaqynyń jalpy kó­lemi 10,8 paıyzǵa artty. Buqarany qoz­ǵa­lysqa túsirgen shaǵyn jáne orta bıznes ny­sanynda 35 myń adam turaqty tabys tabýda. El­basy Joldaýymen jigerlengen óńir bıyl 5634 mıllıon teńgeniń 135 ınnovasııalyq jo­basyn júzege asyrýǵa kiristi. О́ndiris oryn­da­rynda 129 tenderlik baıqaý ótkizilip, 105 ózara tıimdi kelisim-sharttar túzildi. Qarymy ósken oblys ústimizdegi jyly negizgi kapıtalǵa 12,9 mıllıard teńge ınvestısııa jumyl­dy­ra­tyn bolady. Bul byltyrǵydan 4,3 mıllıard teńgege kóp. Kóktemgi dala jumystary da qar­qyn­dy bastalyp ketti. Munyń barlyǵy jaqsy úmitke jeteleıdi. Bárinen de elimizde ty­nysh­tyq, beıbit ómir, alańsyz tirshilik qamtamasyz etil­gen. Mine, halqymyz dostyq, yntymaq to­ıyn osyndaı syrnaı sezimmen ótkizgen bo­la­tyn. Báriniń júzderi jarqyn, qushaqtary ys­tyq edi. Oblys ákimi Sergeı Dıachenko quttyqtaý sózin: “Bizdiń kúshimiz – birlikte!” dep qazaq ti­linde bastap, tolǵanysty oılar órbitkeni de kóńil ósirgen-tin. О́ıtkeni, birligi bar eldiń júregi de birge soǵady. Ty­nysh­tyq pen aýyz­bir­liktiń túp tamyry Elbasy Nursultan Ábish­uly Nazar­baev­tyń sa­rabdal saıasaty­nyń jemisi degen túıin ja­sal­ǵan bolatyn. Shyn­dyǵynda, táýelsizdikke qol jetkizgen 19 jyl ishinde qoǵamdy de­mokratııalandyrý, etno­s­aralyq kelisimdi ny­ǵaıtý baǵytyndaǵy bar­lyq bastamalar Tuń­ǵysh Prezıdentimizdiń esimimen tyǵyz baı­la­nysty. Halqymyz múl­dem jańa tur­pattaǵy El birligi doktrınasyn tý etip kóterdi. Elbasy N.Nazarbaev Qazaqstan halqyna arnaǵan Joldaýynda: “Biz qazyǵy berik, memlekettigi bekem, tórt qubylasy saı Qazaq eliniń aıbynyn asyryp, ataǵyn álemge áıgiledik” degende, aldaǵy jaýapkershiliktiń zor­lyǵyn meńzegeni anyq. Sol alaqaı me­re­keniń ón boıynda osynaý salmaqty sezim men senim aıqyn baıqalyp turǵanyna masattanǵan edik. Naýan Haziret atyndaǵy ortalyq me­shit­tiń bas ımamy Qanat Qoıanbekuly, Uly Otan soǵy­synyń ardageri, Máskeýde ótken bıylǵy Jeńis sherýine qatysýshy Baltash Seıitov, Qazaqstan halqy Assambleıasynyń múshesi, “Istokı” sla­vıan mádenı-aǵartý qoǵamynyń tó­raıymy Ga­lına Býlycheva jerlesterin ja­lyn­dy sózderimen, aq jarylqap tilekterimen quttyqtaǵan bolatyn. Búgingi kúni oblys aýmaǵynda 38 etno­má­denı birlestik jumys isteıdi. Olar kók­temniń jarqyn merekesinde etnosaralyq qa­rym-qa­tynas pen elimizdegi tu­raq­ty­lyq­tyń uıt­qy­sy bolyp otyrǵandyǵyn ónerimen de, kól-kósir dastarqan mázirimen de, kir­shik­siz kó­ńi­li­men de dáleldep bergenin ǵanıbet sanaǵanbyz. Kókshetaý – óner ólkesi. Osyndaı meı­ram­darda Táýelsizdik alańynyń sahnasy júz ulttyń jarasymdy áýezimen, otty da názik bı naqyshtarymen bıiktep turady. Munda qalalyqtarmen birge, aýdandardyń tańdaýly ónerpazdary kópshiliktiń kóńilin asqaqtata kóterip júrgenin aıtqymyz keledi. Baqbergen AMALBEK. Aqmola oblysy.