Keleńsiz oqıǵa beınelengen vıdeo jeli qoldanýshylarynyń záresin ushyrdy. Sýǵa bata jazdaǵan balany qutqarýshy qyz shyǵardy. Keıin ony er adam jerge kóterip jatqyzdy. Sol sátte kómekke demalýshy áıelderdiń biri jaqyndap, sheber qımyldarmen júrek-ókpe reanımasııasyn jasap, balanyń tynysyn qaıtardy.
Jedel járdem qyzmeti kelgennen keıin basseın qyzmetkerleri balany dárigerlerge tapsyrdy. Qazir onyń ómiri men densaýlyǵyna qaýip tónip turǵan joq.
Ata-anasy balany qutqarýǵa qatysqandardyń barlyǵyna alǵystaryn bildirdi.
Aıta ketsek, alǵashqy medısınalyq kómek kórsetken áıeldiń esimi - Nazym Sháripova. Ol «Esil» aýdanynyń polısııa basqarmasynda anyqtaýshy bolyp jumys isteıdi. Sol kúni polıseı áıel otbasymen birge demalýǵa barǵan. Ol qutqarý kezinde balaǵa zaqym keltirmeý úshin erekshe saqtyqpen qımyldaǵanyn aıtty.
