Tarıhı-mádenı mura eskertkishteri men obektileriniń saqtalýyn qamtamasyz etý ortalyǵy 7 tamyzda tańǵy saǵat 10-da «Qazaq dalasynyń uly batyrlary» dárisin ótkizedi, al 10 tamyzda saǵat 10:00-de «Abaı kúni» aqparattyq saǵatyn uıymdastyrady.
Apta boıy, ıaǵnı 7-13 tamyz kúnderi saǵat 10:00-den 17:00-ge deıin Sáken Seıfýllın murajaıynda Abaı kúnine jáne Sh.Qudaıberdıulynyń 165 jyldyǵyna arnalǵan «Abaı jáne Shákárim» kórmesi ótedi.
8 tamyz kúni saǵat 15:00-de №15 buqaralyq kitaphana «Ata zań – ardaǵym» suraq-jaýap saǵatyn ótkizedi.
9-13 tamyz aralyǵynda Elordalyq sırk manejinde «Azııa jańǵyryǵy» halyqaralyq sırk óneri festıvali ótedi. Qoıylym ýaqyty: saǵat 16:00-den 18:30-ǵa deıin.
9 tamyz kúni keshki saǵat 19:00-de Astana Opera «Mýzykalyq demalys» konsertine shaqyrady.
10 tamyz kúni tańǵy saǵat 10-da Abaı eskertkishine gúl shoqtaryn qoıý rásimi ótedi. Sonymen qatar №5 balalar kitaphanasynda «Abaı Qunanbaıulynyń qýǵyn-súrginge ushyraǵan týystary men urpaqtary» atty kórme ashylady.
Ortalyqtandyrylǵan kitaphana júıesi saǵat 11:00-de «Abaı – júrek qalaýy danalyq belgisi» ádebı-teatrlandyrylǵan qoıylymyna shaqyrady.
Al №9 kitaphanada saǵat 16:30-da «Sultan Beıbarys – uly mámlúk» tarıh sabaǵy ótedi.
11 tamyz kúni tańǵy saǵat 11:00-de «Atameken «Qazaqstan kartasy» etno-memorıaldyq kesheni halyqaralyq Jastar kúnine oraı «Jastar – el bolashaǵy» atty dáris ótkizedi.
Sonymen qatar, № 5 balalar kitaphanasynda «Biz esirtkige qarsymyz» dárisine qatysýǵa bolady.
11 tamyzda saǵat 12:00-de Astana Opera sahnasynda «Qar hanshaıymy» mýzykalyq ertegisi kórsetiledi. Saǵat 19:00-de munda «Marısa» operettasy kórsetiledi. Sonymen qatar, Beıbitshilik jáne kelisim saraıynda Danııar Jumadilov stend-ap konsertimen óner kórsetedi.
12-13 tamyz kúnderi saǵat 11-de Demalys Promenade alleıasynan «Qazaqstan kúni» monýmentine deıin «Armandar oryndalatyn qala» ımmersıvti teatry ashylady. Saǵat 12:00-de Astana golf klýbynyń alańynda Satisfaction Fest festıvali ótedi.
Sondaı-aq osy senbi jáne jeksenbi kúnderi saǵat 17:00-den 21:00-ge deıin qalalyq alańda jáne Ortalyq jaǵalaýda Creative summer baǵdarlamasy, al Nur Álem sferasy aldyndaǵy EKSPO alańynda saǵat 20:00-den 23:00-ge deıin Shámshi Qaldaıaqov ánderiniń festıvali, sol sııaqty klassıkalyq jáne ulttyq qazaq mýzykasynyń konserti jumys isteıtin bolady.
12 tamyzda keshki saǵat 18:00-de Astana Operasynda «Sobaka na Sene» mýzykalyq komedııasy usynylady. 13 tamyzda sol sahnada saǵat 12:00-de «Bremenskıe mýzykanty» mýzykalyq ertegisi, Al saǵat 18:00-de «Letýchaıa mysh» operettasy kórsetiledi.
