Qarýly kúshter daıyndyǵy

Qurlyq áskerleriniń áskerı ınstıtýtynda mınıstr talapkerlermen áńgimelesip, olarǵa emtıhandaryn sátti tapsyryp, aldaǵy oqýlary men qyzmetterine aq jol tiledi. Sondaı-aq ol bilim ordasy basshylyǵynyń materıaldyq-tehnıkalyq bazanyń jaı-kúıi, professorlyq-oqytýshylar qu­ra­mymen jasaqtalýy jáne oqý ornynyń damý perspektıvalary týraly baıandamasyn tyńdady.

General-polkovnık Rýslan Jaqsylyqov áskerı oqý ornynyń jeke quramymen kezdesýde Pre­zı­denttiń búkilarmııalyq ke­ńeste alǵa qoıǵan Qarýly kúsh­ter­diń zııatkerlik qabiletin arttyrý mindeti kóbinese ás­kerı ǵylymnyń deńgeıine, oqý baǵ­darlamalarynyń maz­mu­nyna jáne áskerı oqý orny peda­gog­te­ri­niń kásibıligine baılanysty ekenin atap ótti.

Qurlyq áskerleri áskerı ıns­tıtýtynyń «Ile» polıgonyna barǵan Qorǵanys mınıstri áskerı oqý orny qyzmetiniń ǵylymı quramdas bóligin kúsheıtýmen qatar kýrsanttardyń praktıkalyq daǵdylaryn ıge­rýine erekshe nazar aýdarý qajet ekenin atap ótti. Rýslan Jaqsylyqov Taý daıyndyǵy ortalyǵynda oqý jáne sport korpýstary, atys tıri, skalodrom, taý beldeýi kedergileri, paıdalanýǵa berýge ázirlenip jat­qan ınfraqurylymdy damytý josparymen tanysty. Mınıstr kazarmaǵa, ashanaǵa jáne qala­shyq­­tyń basqa da áleýmettik nysandaryna bardy.

Qonaev garnızonyndaǵy de­santtyq-shabýyldaý brı­gada­syn­daǵy jumys barysynda general-polkovnık Rýslan Jaqsylyqov T-72 tank­te­ri ekıpajdarynyń sý tosqaýyl­daryn eńserý jáne sýda júr­gizý boıynsha praktıkalyq sabaq­tar­yna qatysty.

Sapar qorytyndysy boıynsha qorǵanys vedomstvosynyń basshysy áskerı obektilerdiń ınfraqurylymyn jetildirý, ja­ýyn­gerlik daıarlyqty arttyrý jáne merzimdi qyzmet sarbazdary úshin áleýmettik-turmystyq jaǵdaılardy jaqsartý jóninde birqatar tapsyrmalar berdi.