Osyǵan oraı Qarýly kúshterdiń barlyq ásker túrlerinde, tekterinde jáne joǵary áskerı oqý oryndarynda eske alýǵa arnalǵan is-sharalar ótti. Batyrdyń atyn ıelengen Áýe qorǵanysy kúshteriniń áskerı ınstıtýtynda erekshe kózge túsken áskerı qyzmetshilerge alǵys jarııalandy. Áskerı bólimderde merzimdi qyzmettegi sarbazdar úshin «Azat etýshiler» serııalyndaǵy «Shabýyldaýshylar» derekti fılmi kórsetilip, erlik sabaqtary ótkizildi. Qarýly kúshterdiń memlekettik Áskerı-tarıhı murajaıynda aty ańyzǵa aınalǵan shabýyldaýshy ushqysh Talǵat Bıgeldınovtiń ómiri men qyzmetine arnalǵan fotosýretter men qujattardy qamtyǵan taqyryptyq ekspozısııa uıymdastyryldy.
Talǵat Jaqypbekuly Bıgeldınov 1922 jyly Aqmola oblysy, Maıbalyq aýylynda dúnıege kelgen. Onyń balalyq, jastyq shaǵy Bishkekte ótti. Kókke degen qushtarlyǵy bolashaq ushqyshty Frýnzedegi aeroklýbqa eriksiz alyp keldi. Bir jyldan soń ol osy klýbtyń nusqaýshy-ushqyshy bolyp shyqty. Saratov oblysyndaǵy ushqyshtar daıarlaıtyn Balashov áskerı avıasııalyq mektebin, keıin Orynbor avıasııalyq ýchılıshesin bitirdi.
Jaýyngerlik jolyn qatardaǵy ushqysh bolyp bastaǵan ol soǵysty gvardııalyq áýe polkiniń eskadrılıa komandıri retinde aıaqtady. Kalının, Voronej, Stepnoı, birinshi jáne ekinshi Ýkraın maıdandarynda soǵysty. 305 ret áýege kóterilip, jaýyngerlik tapsyrmalardy oryndady.
Soǵystan keıin Talǵat Jaqypbekuly Áskerı-áýe akademııasyn bitirip, Ýkraınadaǵy shabýyldaýshy áýe polkinde qyzmet etti. Áskerı-áýe kúshteriniń shabýyldaýshylaryn daıarlaıtyn Krasnodar joǵary mektebinde shtab basqardy. Qazaqstandaǵy azamattyq avıasııa basqarmasy basshysynyń orynbasary bolyp qyzmet etti. О́miriniń sońyna deıin memleket pen qoǵam ómirine belsendi túrde qatysyp, soǵys múgedekterine qoldaý kórsetetin halyqaralyq qorǵa basshylyq jasady.
Talǵat Bıgeldınov týraly birqatar kitap jazylǵan. Atap aıtqanda, 1948 jyly Máskeýde S.Morozovtyń «Dvajdy Geroı Sovetskogo Soıýza T.Iа.Bıgeldınov», 1950 jyly S.Baqbergenovtiń «Talǵat», 1965 jyly «Talǵat Bıgeldınov», 1985 jyly «Otan úshin ot keshken», 1997 jyly A.Sergeevtiń «Zvezdnoe nebo Talgata», 2004 jyly A.Bedelbaevtyń «Trınadsatyı, na vzlet», 2008 jyly K.Abenovtiń «Velıkaıa Otechestvennaıa voına v moeı jıznı: 60 let spýstıa», 2011 jyly B.Omarulynyń «Júrektiń kózi» kitaptary jaryqqa shyqty.
Talǵat Jaqypbekuly Bıgeldınov 2014 jyly qarashanyń 9 kúni 93 jasqa qaraǵan shaǵynda dúnıeden ótti.
