Aýyl mektebi aýqymdy jetistikterimen maqatanady. Máselen, ustazdardyń qajyrly eńbeginiń nátıjesinde mektebimizden keıingi 3 jylda úsh «Altyn belgi» ıegeri shyqty. 5 oqýshymyz «Úzdik attestat» ıegeri atandy. Búginde olardyń bári tańdaýly joǵary oqý oryndarynda bilimin jalǵastyryp jatyr.
Mektebimizde bilikti ustazdar da jeterlik. Máselen, 25 jyldan asa eńbek ótili bar Lázzat Oshımova men Ásııa Ilııasheva osy kúnge deıin talaı shákirttiń jolyn ashty. О́tken oqý jylynda atalǵan eki muǵalimnen tálim alǵan Erkejan Serikbaı, Qasymhan Qabbar, Iаsmına Daýythan, Gúlbaram Abylaıhan, Álıhan Boranbaı sekildi oqýshylar respýblıkalyq konkýrstar men zııatkerlik saıystardan júldemen oraldy.
Matematıka pániniń muǵalimi Mádına Ábildınova da mektep maqtanyshy ekenin aıtqym keledi. Onyń shákirtteri de bilim básekelerinde belsendiligimen kózge túsip júr. Onyń birneshe oqýshysy aýyl mektepteriniń 5-6-synyp oqýshylaryna arnalǵan «Myń bala» ulttyq olımpıadasynda top jardy. Olar – Nurfatıma Muratken, Sanjar Qadyrov, Málıka Tóleý. Buǵan qosa Isa Tóleý men Aıdyn Sháriphanov ta mektep abyroıyn asyryp júr.
Osy oraıda qazaq tili men ádebıeti pániniń muǵalimderi Ardaq Bozǵoeva men Jadyra Bolatova da aýyl balalaryn aımaqtyq, respýblıkalyq bilim básekelerine tyńǵylyqty baptap keledi. Nátıjeleri de táp-táýir.
Mamandyǵyna adal osyndaı muǵalimder eńbek etetin Aqkól mektebi aýyl balalarynyń armanyna qanat bitirip keledi. Osy joldaǵy ustazdardyń eńbegi jana bergeı!
Gúlgaýhar QABYLTAEVA,
Aqkól orta mektebiniń muǵalimi
