Joǵary oqý ornyna qujattardy onlaın tapsyrý talapkerlerge tıimdi-aq, ásirese ózge óńirlerden keletinderge. О́ıtkeni alys joldy eńserip, Astanaǵa kelýdiń qajeti joq. Osylaısha, vırtýaldy formatta qabyldaý tásili shyǵyndy azaıtyp, ýaqytty únemdeýge múmkindik berip otyr.
Talapkerler qujattaryn tapsyryp, oqý shartyna elektrondy qoltańba arqyly qol qoıady. Ýnıversıtet ákimshiliginiń aıtýynsha, talapkerlerge qolaıly bolý úshin vırtýaldy konsýltasııalar Whereby platformasynda ótkizilgen. Sondaı-aq qabyldaýdyń jańa tásiliniń eń bir artyqshylyǵy – CRM júıesi arqyly árbir talapkerge jeke keńesshi taǵaıyndalǵan. Jeke keńesshi talapkerdiń oqýǵa túsýine deıingi úderisti tolyqtaı nazarynda ustap, sapaly ári ýaqytyly qyzmet kórsetedi.
Vırtýaldy qujat tapsyrǵan talapkerlerdiń ata-analary jańa tásildiń tıimdi tustary men artyqshylyǵy kóp ekenin aıtady.
– Aqtaý qalasynda turatyndyqtan, qajetti qujattardy onlaın tapsyrý óte yńǵaıly boldy. Biz qabyldaý komıssııasyna júginip, Nuraı atty qyzdy jeke keńesshi retinde tańdadyq. Keńesshimiz ótinish berý úderisinde bizben baılanysta bolyp, qabyldaýǵa qajetti qujatty jınaýǵa kómektesti, – deıdi aqtaýlyq talapkerdiń anasy Aqmaral.
Ýnıversıtet onlaın kezek júıesin de qarastyrǵan. Iаǵnı talapkerler jeke keńesshini tańdap, tirkeledi. Sondaı-aq qyzmet sapasyn odan ári jaqsartýǵa keńesshiniń jumysyn baǵalaý júıesi bar. Keńes berý aıaqtalǵannan keıin talapkerler túsindirý barysyndaǵy kemshilikterdi nemese ózine unaǵan artyqshylyqtardy jaza alady.
– Biz ýnıversıtetimizge túskisi keletin talapkerlerdiń qabyldaý úrdisin barynsha qoljetimdi ári yńǵaıly etýge tyrysamyz. Qujattardy tapsyrýdyń jańa tásilderin engizý jáne jeke keńes berý talapkerlerge osy mańyzdy kezeńnen ońaı ótýge kómektesedi, – dedi Maqsut Narikbayev University qabyldaý komıssııasynyń jetekshisi Arman Serikjanuly.
Ýnıversıtet qoldanysqa engizgen vırtýaldy platformada qabyldaý ádisi kóp jaǵynan tıimdi. О́zge ýnıversıtterge de úlgi bolatyndaı jaqsy mysal.
