Osy kezeńdegi ataýly jalaqynyń ortasha arıfmetıkalyq máni 365 502 teńgeni quraıdy.
Eldegi ortasha jalaqy 2023 jyldyń ekinshi toqsanynda 240 779 teńgeni qurady.
«2022 jyldyń sáıkes toqsanymen salystyrǵanda ósim 17,1 paıyzdy qurady (ınflıasııany esepke almaǵanda), naqty mánde (ınflıasııany esepke alǵanda) 1,2 paıyzǵa ósti», dep atap ótti Ulttyq statıstıka bıýrosy.
2022 jyldyń ekinshi toqsanymen salystyrǵanda ortasha aılyq jalaqynyń eń kóp ósimi kelesi salalarda tirkeldi:
Aqparat jáne baılanys – 36 paıyz;
Kólik jáne qoıma sharýashylyǵy – 24,6 paıyz;
Aýyl, orman jáne balyq sharýashylyǵy – 23,7 paıyz;
Kóterme jáne bólshek saýda, avtomobılder men motosıklderdi jóndeý – 21,8 paıyz;
Bilim berý salasynda ortasha jalaqynyń ósýi – 10,2 paıyz;
Densaýlyq saqtaý jáne áleýmettik qyzmetterde – 15,6 paıyz.
Degenmen keıbir aýdandarda jalaqy deńgeıiniń tómendeýi baıqalady.
«О́tken jyldyń sáıkes toqsanymen salystyrǵanda naqty mánde jalaqy qurylys salasynda – 3,5 paıyzǵa, turý jáne tamaqtandyrý qyzmetterinde – 2,6 paıyzǵa, bilim berý salasynda – 4,8 paıyzǵa, densaýlyq saqtaý men áleýmettik salada 0,1 paıyzǵa tómendegen», dep habarlady Ulttyq statıstıka bıýrosy.
