Meshit alǵashynda okrýgte ıslam dinin ýaǵyzdap, balalardyń árip tanyp, dinı saýatynyń ashylýyna aıtarlyqtaı yqpal etti. Tipti qıly kezeńderde meshit joıylyp ta kete jazdaǵan. Esigi jabylyp, shań basyp qalǵan tusta aýdan jurtshylyǵynyń suraýymen Qazaqtyń mádenı-tarıhı eskertkishterin qorǵaý jáne qaıta jabdyqtaý konstrýktorlyq jobalaý ınstıtýty mamandary kelip, 1991 jyly meshitti bastapqy qalpyna qaıta keltiredi.
Sóıtip, 15 jylǵa jýyq ýaqyttan soń Qunanbaı qajy meshiti bıyl qaıta jańarady.
«Qunanbaı qajy meshitine bıyl jańǵyrtý jáne jóndeý jumystary júrgiziledi. 2009 jyly kúrdeli jóndeýden beri arada biraz jyl ótti. Mańaıyndaǵy tastósemniń tozyǵy ábden jetken. Sonymen qatar jylý júıesin tolyq jóndeý qajet. Meshittiń tóbesi, kúmbezi syrlanyp, qorshaýyn qalpyna keltirý jumystary atqarylady. Osy maqsatta oblystan 70 mln teńge kóleminde qarajat bólindi. Konkýrstyq jumystar júrgizilip jatyr. Aldaǵy bir jarym aı kóleminde jóndeýdi bastaımyz dep josparlap otyrmyz. Qarqaralyǵa sapar barysynda birqatar tarıhı eskertkishterdiń jóndeýdi qajet etetinin kórip qaıttyq, – deıdi oblystyq tarıhı-mádenı murany saqtaý ortalyǵynyń basshysy Túlkibaı Tóleýov. – Bul qatarda shertpe kúıdiń sheberi – Táttimbettiń eskertkishi de bar. Egindibulaqtyń basyndaǵy Qazdaýysty Qazybek bıdiń eskertkishi mańaıyn da qalpyna keltirý qajet. Bul jumystardy keler jyldyń enshisine qaldyrdyq».
Qunanbaı qajy meshiti – «Qazaqstannyń 100 kıeli orny» tizimine engen, memleket qorǵaýyndaǵy tarıhı oryn.
Qasymhan ǴALYM,
«Egemen Qazaqstan»
