Saýdasy qyzǵan Qytaı saıttary

Qytaılyq ınternet-dúken­der arqyly elektronıka men kıimnen bastap turmystyq tehnıka men aksessýarlarǵa deıin ártúrli sanattaǵy ónimderge qol jet­kizýge bolady.

Jalpy, Qazaqstan men Qytaı arasyndaǵy saýda aınalymy 2022 jyly 31 mlrd dollardy quraǵan edi. Memleket basshysy Qasym-Jomart Toqaev Qazaqstan men Qytaı arasyndaǵy saýda aınalymy 40 mlrd dollarǵa jetedi dep mejelegen edi. Osynyń ishinde elektrondy saýdanyń úlesi zor. Osy oraıda elder ara­syndaǵy saýda-sattyqty óris­tetýge sebep bolyp turǵan tany­mal marketpleısterge toq­talyp ótke­nimiz jón bolar.

AliExpress. Qytaıdan ból­shek saýda úshin eń tanymal marketpleısterdiń biri bolyp qala beredi. Bul platformadan kóterme jáne bólshek saýdada satyp alýǵa bolatyn túrli sanat­taǵy taýarlardyń keń as­sor­­tımentin tabýǵa bolady.

Taobao. Eń aldymen Qy­taı­dyń ishki naryǵyna baǵyt­talǵan tanymal marketpleıs. Taobao paıdalanatyn bizdiń azamattar ondaǵy taýarlardy satyp alý jáne jetkizý úshin deldaldyq kompanııalar kómegine júginedi.

JD.com. Taýarlardyń keń tań­daýy bar taǵy bir iri qy­taılyq onlaın naryq. Eń­ iri ınternet-dúken bol­ǵan­dyqtan, ol jerden senimdi sa­tý­shylardyń joǵary sapaly ónimderin tabýǵa bolady. Ja­qynda osy saıtta qazaq­standyq ónimderdiń toptama pavılony ashyldy.

Alibaba.com. Kóterme saýda­daǵy eń úlken jáne tanymal marketpleıs.

Dhgate. Qytaıdan kóterme jáne bólshek saýda jasaýǵa arnalǵan tanymal marketpleıs.

1688.com. Alibaba Group-qa tıesili bul qytaılyq marketpleıs otandyq kásipkerler arasynda taýarlardy kóterme satyp alýǵa bolatyndyǵymen ta­nymal.

Pinduoduo.com. Elektrondy kommersııa boıynsha iri Qytaı kásiporny. Álemniń eń iri onlaın-dıskýanter jáne market­pleısi. Qoldanysy ja­ǵynan jeńil bolǵan soń, qazir­gi ýa­qyt­ta eli­mizde ke­ńinen tany­mal.

Joǵaryda keıbir qytaılyq marketpleısterdi paıdalaný úshin deldal kompanııalar kó­me­­gine júginý qajet bolatynyn aıttyq. Taobao-dan bólek,
1688.com-nan taýar alý úshin deldal kompanııa izdeýge týra keledi. Ony el arasynda «kargo» dep atap ketken. «Kargo» taýarlardy qytaılyq saıttardan satyp alyp, olardy Qazaqstanǵa jóneltken kezde áýe poshtasy, teńiz konteınerleri nemese ha­lyqaralyq kýrerlik qyz­metter sııaqty ártúrli júk ádis­terin paıdalanady. Qaısy mar­ket­pleıstiń de jetkizý mer­zimi shamamen birdeı – bir aptadan bir aıǵa deıingi aralyqta tapsyrys bergen taýaryńyz kelip jetedi.

«Men Pinduoduo saıtynan taýar alyp-satýmen bir jarym jyldan beri aınalysyp kelemin. Taýardyń kelýi «kargoǵa» baılanysty, degenmen ózim 8-10 kún aralyǵynda tapsyrysymdy alamyn. О́te arzan jáne sapaly zattar satyp alýǵa múmkindik bar. Sonyń nátıjesinde Qytaıdan shar satyp alyp, Almatyda ár­túrli fotoaımaq, sharlar, túrli merekelik dekorasııa jasaýmen aınalysyp júrmin», deıdi marketpleıster ıgiligin kórgen kásipker Janna Qanatqyzy.

Arýjan MÁÝLENBAI,

T. Júrgenov atyndaǵy Qazaq ulttyq óner akademııasynyń 4-kýrs stýdenti