Memleket basshysy qyrkúıek aıynda jarııalanatyn Qazaqstan halqyna Joldaýynda eldiń ekonomıkalyq saıasaty týraly óziniń kózqarasyn baıandaýdy josparlap otyr.
«Biz múldem jańa baǵytqa kóshý úshin Qazaqstannyń ekonomıkalyq damýyna tyń serpin berýimiz kerek. Jaýapty tarıhı sát keldi. Demek Qazaqstan ekonomıkasy da qazirgi deńgeıde qala almaıdy. Sózsiz solaı bolaryna senimdimin. Úkimettiń mindeti – tıisti usynystar berý. Bul – birinshi. Ekinshiden, osy usynystarǵa sáıkes daıyndalatyn josparlardy iske asyrýǵa kepildik berý. Biraq men jańa ekonomıkalyq modeldi iske asyrýǵa jáne daıyndaýǵa qatysty kózqarasymdy jasyrmaımyn. Jaqynda Joǵary ekonomıkalyq keńestiń otyrysyn ótkizdim. Ashyǵyn aıtqanda, sol jıynda otandyq ekonomısterdi synǵa aldym. Meniń oıymsha, olar isti sońyna deıin jetkize almaıdy. Kreatıvtilik joq. Bizdiń jáne jalpy memlekettiń aldynda turǵan mindetterdi túsinbeıdi. Halyq bizden naqty sheshimder kútedi, óıtkeni eń ózekti máselelerdi sheshý qajet. Halqymyzdyń laıyqty ómir súrý deńgeıin qamtamasyz etý elimizdiń ekonomıkasynyń damý tujyrymdamasyna qatysty bizdiń ustanymymyzǵa tikeleı baılanysty. Muny túbegeıli sheshimdersiz eńserý qıyn. Biz elimizdiń ekonomıkalyq damýyna tyń serpin berýge baǵyttalǵan osy óte mańyzdy jumysqa birge kirisýimiz kerek», dedi el Prezıdenti.
