10 tamyz kúni tańerteń ótetin Abaı eskertkishine gúl shoqtaryn qoıý rásimi Astanada merekeniń bastamasy bolmaq.
Saǵat 10:00-de Jýrnalıster alleıasynda «Aldymda aqyn Abaı - Temirqazyq!» ádebı kezdesý ótedi.
Bir saǵattan keıin Ulttyq akademııalyq kitaphanada «Abaı álemi» is-sharasy uıymdastyrylady. Osy ýaqytta №5 kitaphanada oqyrmandar «Abaı – júrek qalaýy, danalyq belgisi» is-sharasynda bas qosady.
Sol sııaqty bul kúni Abaı oqýlaryn ortalyqtandyrylǵan kitaphanalar júıesi ótkizedi. Saǵat 17:00-de «Jastar» teatry Abaı shyǵarmashylyǵyna arnalǵan ádebı-mýzykalyq keshke shaqyrady.
Bul kúni Aqkól qalasyndaǵy «Arman Borovıchok» balalar saýyqtyrý ortalyǵynda «Abaı – dana, Abaı dara qazaqta» poetıkalyq keshi ótedi.
Sonymen qatar 10 tamyz kúni áleýmettik jelilerde elordada turatyn barlyq etnos ókilderiniń qatysýymen bilim berý mekemeleri arasynda #MenAbaıdyoqımyn chellendji ótedi.
Turan jáne Qabanbaı batyr dańǵyldarynyń qıylysyndaǵy alańda Abaıdyń 178 jyldyǵyna oraı aqynnyń shyǵarmalaryna jazylǵan kúıler oryndalady. Qorǵaljyn alańynda «Adamzattyń alyby – hakim Abaı!» mýzykalyq-ádebı kesh ótedi.
Sonymen qatar keshki saǵat 18:00-de M.О́temisov atyndaǵy Oqýshylar saraıynyń ǵımaratynda «Abaıdyń sońǵy kúnderi» kıno kórsetý is-sharasy uıymdastyrylady.
