«Tarazıtaný» aılyǵy

Ákim Tarazıdiń ólmes týyn­dylary men shyǵarmashy­lyq jolyn óńir turǵyndary, ásirese jastar arasynda keńi­nen nasıhattaý maqsatynda uıym­dastyrylǵan ádebı keshke jer­gilikti qalamgerler qa­ty­syp, jazýshynyń qazaq áde­bıetindegi róli jaıly tol­ǵamdy oılaryn ortaǵa saldy.

Is-sharaǵa qatysqan már­tebeli meımandar zobalań men zulmatqa toly jyldarda dú­nıe esigin ashqan qalamger­diń balalyq shaǵy Ekinshi dú­nıe­júzilik soǵys jyldary­men tuspa-tus kelgenin, dáýir syryn janymen uqqan jazý­shynyń, dara sýretkerdiń shy­ǵar­malary qaı ýaqytta da qa­lyń oqyrmannyń júreginen oryn tapqanyn sóz etti.

Qaı janrǵa qalam terbese de, qatarlastaryna uqsamaýǵa tyrysyp, fánı jalǵannyń shyndyǵyn ózinshe kórkem beı­nelep, zamandastarynyń ár­túrli obrazyn jasap, olardyń ishki álemine tereń úńilgen qa­lam­ger týraly aqyn, jazýshy Ular­bek Nurǵalymuly da óz piki­rin beıneúndeý arqyly jol­dap, aldyńǵy tolqyn shy­ǵar­malary týraly oıymen bólisti.

Ádebı kesh barysynda Qazaq ulttyq óner ýnıver­sıte­tiniń professory, Qazaqstan kınemotografıster odaǵy­nyń múshesi Nazıra Muqysheva ­da beınejoldaý arqyly Ákim Tarazıdiń ulttyq kınemato­grafııa ortalyǵynyń jumy­syn jolǵa qoıyp, «Arman-ataman», «Tulpardyń izi» fılmderin túsirip, «Qarash-qarash oqıǵasy» fılmin ja­saýǵa qatysqanyn jetkizdi.

Is-shara sońynda kitaphana qyzmetkerleri jer­gilikti jas­tardy klassık jazý­shy­nyń qundy dúnıelerin oqý­ǵa sha­qyryp, «Tarazıtaný» aıly­ǵyn ashyq dep jarııalady.

TARAZ