Bul kúnderi Áskerı ınfraqurylym bas basqarmasyna 19 aýdandyq paıdalaný bólimi men 6 jol-paıdalaný ýchaskesi qaraıdy. Bólimsheler obektilerdi salýmen jáne olardy kútip ustaýmen, qolda bar qordy kúrdeli jáne aǵymdaǵy jóndeýmen aınalysady.
Táýelsizdik alǵan jyldarda Qarýly kúshterdiń qurylys bólimsheleri biraz áskerı qalashyqtar men nysandar saldy. Onyń ishinde Qorǵanys mınıstrliginiń ákimshilik ǵımaraty, Astanadaǵy Ulttyq qorǵanys ýnıversıteti men Shýchınsk qalasyndaǵy Kadet korpýsy ǵımarattarynyń keshenderi, Aqtaý, Shymkent qalalaryndaǵy áskerı qalashyqtar, Mańǵystaý oblysynyń Beıneý aýylyndaǵy áskerı qalashyqtar bar.
Qurylysshylardyń jasampaz eńbeginiń arqasynda oqý-jattyǵý polıgondary men ortalyqtary, atap aıtqanda, Aqtaý, Gvardeısk jáne Prıozersk qalalary da qajetti ınfraqurylymmen qamtamasyz etildi. Qaraǵandy, Aqtaý jáne Astana qalalary áýeaılaqtarynyń áskerı sektorlarynda obektiler salyndy. Shymkent, Taldyqorǵan, Balqash qalalaryndaǵy áýeaılaqtar kúrdeli jóndeýlerden ótti.
Áskerı qurylysshylardyń kúshimen modýldik konstrýksııalarǵa negizdelgen jyljymaly turǵyn úıler, kazarmalar, ashanalar, shtabtar, oqý, ákimshilik jáne tehnıkalyq ǵımarattar salynyp jatyr. Áskerı qalashyqtar josparly túrde abattandyrylyp turady, kireberis joldar da jóndelýde, balalar jáne sport alańdary jabdyqtalyp jatyr.
Qarýly kúshterdiń qurylysy men ony damytýdyń jańa tujyrymdamasy sheńberindegi is-sharalardy júzege asyrýǵa erekshe nazar aýdarylyp otyr, oq-dári qoımalary, áskerı qoımalar salynýda. Olardy jetildirý jáne qajetti jabdyqtarmen jaraqtandyrý jumystary júrgizilýde.
Jańadan qurylǵan Abaı, Jetisý, Ulytaý oblystarynda jáne Túrkistan qalasynda qorǵanys isteri jónindegi departamentteriniń shtaby men qyzmettik-tehnıkalyq úı-jaılaryn salý josparlanyp otyr.
Kásibı merekege oraı Qarýly Kúshterdiń ardagerleri, belsendi áskerı qyzmetshiler jáne bólimshelerdiń azamattyq personaly elimizdiń áskerı-qurylys salasyn damytýǵa qosqan eleýli úlesi úshin medaldarmen, estelik belgilermen, gramotalarmen jáne alǵys hattarmen marapattaldy.
