Aqtóbedegi IT Hub

Jýyrda Aqtóbe oblysy­na­ issa­parmen barǵan Pre­mer-mınıstr Álıhan Smaıy­lov­qa óńirdegi aqparat­tyq­ tehnologııalar men ınnovasııa­lar­dy damytýda mańyz­dy ról at­­qa­ratyn óńirlik Aqtobe­ IT Hub tanystyryldy. Úki­met basshysy aıtqandaı, árbir qalada qalalyq jáne aýyl jas­tarynyń sıfrlyq tehnolo­gııa­larda bi­lim alýǵa jáne qabilet­terin damytýǵa múmkindik beretin IT-ındýstrııany damytý ortalyǵy bolýy kerek. О́ıtkeni bular bolashaqta ekonomıkamyzdy sıfrlandyrýdyń negizi bolýǵa tıis. Sıfrlyq tehnologııalarsyz odan ári damý múmkin emes.

Premer-mınıstr sıfrlyq tehnologııalar salasyn damytý úshin el astanasynda salyqtyq jeńildikterdi qarastyratyn jáne ákimshilik rásimderdiń bar­lyǵyn jeńildetetin halyq­ara­lyq IT-hab qurylǵanyn atap ótti. «Qazir nátıjesin kórip­ otyrmyz. Byltyrǵy jyl­dyń qo­rytyndysy boıynsha IT ónim­deri men qyzmetteri esebinen eksport 300 mln dollardan asa so­many qurady. Bıyl bul soma 500 mln dollardy qu­rap otyr. Eki-úsh jyl­dyń ishin­de 1 mlrd dollarǵa jetedi dep kú­tilýde. Sondyqtan bul tá­jirı­beni taratý mańyzdy», dedi ol.

Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń aıtýynsha, óńirlerdiń jumys tájirıbesi qazirden oń nátıje kórsetip otyr. Máselen, habtarda ıdeıalary men startaptary bar jas jáne talantty kásipkerler erte kezeńde tárbıelenedi. Olar oqýdan keıin Astana Hub-tyń ózinde odan ári ósýge, masshtabtaýǵa jáne akselerasııadan ótýge, sondaı-aq sheteldegi áriptestik bıznes-baǵdarlamalarǵa qatysýǵa múm­kindik alady.

О́ńirlik habtar ınnovasııa­lyq jobalardy damytýmen, IT-salasy kadrlaryn daıarlaýmen jáne oqytýmen aınalysady. Sondaı-aq qyzyǵýshy­lyq bildirgen jandar bas qosa­tyn startaptardyń, ınves­tor­lardyń, mentorlardyń jer­gi­likti IT-qaýymdastyǵyn quraı­dy. Inkýbasııalyq kezeńde startap-jobalardy ázirleý kezin­de kásipkerlikke oqytý, ınves­tı­sııalar tartýǵa kómektesý, qar­jylyq esep júrgizý jáne PR-qol­daý júzege asyrylady.

– О́ńirlik IT-habtardy damytý – Astana Hub-tyń basty mindetteriniń biri. Biz bıyl el boıynsha 14 óńirlik IT-hab ashýdy maqsat etip otyrmyz. Búgingi tańda Aqtobe IT Hub-tan bólek 8 óńirlik hab tabysty jumys istep jatyr. Olardyń qatarynda Abai IT Valley, Kyzylorda Hub, Digital Jetisu, Zhambyl Hub, Oskemen IT Hub, Jaiq Hub, Turkistan IT Hub jáne Qostanai IT Hub bar, – deıdi Astana Hub-tyń basqarýshy dırektory Alına Ábdirahmanova.