Álı Astanadaǵy «Nurorda» mektebiniń 4-synybynda oqıdy. Ol Nıý-Iorkte uıymdastyrylǵan olımpıadada top jardy.
– Matematıka – meniń qalaýym. Oǵan daıyndalý úshin IELTS baǵdarlamasyn qoldanamyn. AQSh-taǵy saıys eki kezeńnen turdy. Birinshi kezeń onlaın formatta ótti. Ony eńsergender fınalǵa joldama aldy. Birinshi kezeńge 1 saǵat 30 mınýt berildi. Tapsyrma 20 suraqtan turdy. Fınaldaǵy tapsyrma sany 25 suraqty qamtydy. Bolashaqta Massachýsets tehnologııalyq ınstıtýtyna túskim keledi. Injenerlik baǵytty unatamyn, – deıdi Álı.
Úsh kúnge sozylǵan olımpıada kezinde qatysýshylar Kolýmbııa, Boston, Garvard, Massachýsets sekildi oqý oryndaryn aralap kórdi.
– Intellektýaldy saıys týraly Álıdiń synyp jetekshisi aıtqan edi. Jalpy, Copernicus Olympiad básekesi bıyl tórtinshi ret ótkizildi. Dástúrli olımpıadaǵa Qazaqstan alǵash ret qatysty. Ereje boıynsha fınalǵa ótý úshin birinshi kezeńde qatysýshylardyń alǵashqy 40 paıyzynyń qataryna qosylý kerek boldy. Álı tyńǵylyqty daıyndaldy. Sonyń nátıjesinde jeńiske jetti. Olımpıadadan birinshi oryn alyp kelý kerek degen maqsatty kózdemedik. Qatysyp, tájirıbe jınasa eken dedik. Baqytymyzǵa oraı, baǵy janyp, oljaly oraldy, – deıdi oqýshynyń ákesi Nurbol Tólebaev.
Aıtpaqshy, halyqaralyq saıystan top jaryp, bilimi men darynynyń arqasynda júzden júırik, myńnan tulpar atanǵan oqýshy dombyranyń qulaǵynda oınaıdy, júzý men shahmatty da jetik meńgergen. Sonymen qatar karateniń kók belbeý ıegeri. LEGO-nyń robottehnıka kýrsyna da qatysady.
Saltanat BAITEKENOVA,
H.Dosmuhamedov atyndaǵy Atyraý ýnıversıtetiniń 4-kýrs stýdenti
