Kollajdy jasaǵan Qonysbaı ShEJIMBAI, «EQ»
Jalpy aýdany 264 ga quraıtyn ýchaske 2018 jyldan bastap kózdelgen maqsatta paıdalanylmaǵan, jaldaý aqysy tólenbegen. Sonymen qatar orman órtteri qaýpiniń joǵary dárejesine qaramastan, olardyń aldyn alý boıynsha is-sharalar júrgizilmeı, órtke qarsy josparlar ázirlenbegen. Bul mán-jaılardy negizge ala otyryp, aýdan prokýratýrasynyń aktisi boıynsha ýákiletti organ sotqa júgindi. Aqmola oblysynyń mamandandyrylǵan aýdanaralyq ekonomıkalyq sotynyń sheshimimen uzaqmerzimdi orman paıdalaný sharty buzylyp, jalpy quny 1,6 mlrd teńgeni quraıtyn ýchaske memleket menshigine qaıtaryldy.
Budan bólek, jaqyn kúnderi Astana qalasynyń prokýratýrasy memleketke 700 mln teńgege jýyq jer telimderin qaıtarǵanyn aıta keteıik. Qala prokýratýrasy memleket muqtajdyǵy úshin alynǵan jer telimderi boıynsha sot aktileriniń oryndalýyna tekseris júrgizgen bolatyn. Tekserý barysynda aksıonerlik qoǵam eriksiz ıelikten shyǵarylatyn jer ýchaskesi úshin 663 mln teńge kóleminde ótemaqy alǵany anyqtaldy. Alaıda 2 jyl boıy sottyń mektep pen jataqhana salý úshin 2 jer telimin memleketke berý týraly sheshimin oryndamaǵan. Prokýrorlyq qadaǵalaý aktisi boıynsha sot sheshimi oryndalyp, jer ýchaskeleri memleketke berildi.
