«Keıingi eki jylda Prezıdenttiń saıası reformalar baǵdarlamasy aıasynda aýyl ákimderin halyqtyń ózi tikeleı saılaıtyn boldy. Osy ýaqytqa deıin 1 668 aýyl, aýyldyq okrýg, aýdandyq mańyzy bar qala ákimderi saılandy. Úmitkerlerdiń 75 paıyzyn saıası partııalar usynsa, qalǵan 25 paıyzy – ózin-ózi usynýshylar. Sondaı-aq saılanǵan ákimderdiń jartysynan astamy (57,4%) buryn mundaı qyzmet atqarmaǵan. Bul – aýyl ákimderiniń korpýsy aıtarlyqtaı jańardy degen sóz», dep jazdy Erlan Qarın.
Memlekettik keńesshiniń aıtýynsha, jergilikti ákimderdiń quramy da birshama «jasarǵan». Bul jóninde ol: «Búginde saılanǵan ákimderdiń ortasha jasy 45 jasty quraıdy. Aldaǵy jeksenbide, 20 tamyz kúni 3 oblystaǵy 21 aýyl ákiminiń saılaýy ótedi. 2023 jyldyń sońyna deıin barlyǵy 199 eldi mekende jańadan ákimder saılanady. Solaısha, aýyl ákimderin saılaý elimizdiń saıası ómirinde qalypty qubylysqa aınaldy», dep jazdy.
