«Qazgıdromet» RMK usynǵan aqparatqa sáıkes, Qazaqstannyń basym bóliginde atmosferalyq frontaldy ýchaskelerdiń ótýi áserinen aýa raıy turaqsyz bolady. Naızaǵaı oınap, jańbyr jaýady, keı óńirlerde jel kúsheıedi.
Dese de, eldiń basym bóliginde aýa temperatýrasy birtindep kóterilip jatqany baıqalady. Aýa raıy boljamyna qaraǵanda, elimizdiń soltústik, ortalyq, ońtústik oblystarynda ǵana jaýyn-shashyn bolmaıdy.
17 tamyzda Atyraýdyń shyǵysynda, Aqtóbe oblystarynyń ońtústiginde 35-36°S-qa deıin qatty ystyq kútiledi.
Astanada kóshpeli bult shyǵady, kún jaýyn-shashynsyz ótedi. Ońtústik-batystan soǵatyn jel soltústik-batysqa aýysady, ekpini - 3-8 m/s. Aýa temperatýrasy túnde +9+11°S, kúndiz +25+27°S.
Almatyda kóshpeli bult shyǵady, jaýyn-shashynsyz. Jel ekpini - 0-5 m/s. Aýa temperatýrasy túnde +14+16°S, kúndiz +27+29°S.
Shymkentte de kóshpeli bult shyǵady, jaýyn-shashyn bolmaıdy. Ońtústik-shyǵystan 8-13 m/s jel soǵady. Aýa temperatýrasy túnde +15+17°S, kúndiz +32+34°S.
